Քննարկումները տևում են 75 րոպե։ Եթե մարզիչը զգում է, որ քննարկումը ձգձգվում է, ապա փորձում է ավարտել այն քննարկում-վարժությունը, որը սկսել են և միաժամանակ ավարտել հանդիպումը։

Քննարկումները դասավորված են ըստ կարևորության հերթականության, այսինքն՝ վերջին քննարկումների կարևորությունն ավելի ցածր է և նրանք չհասցնելու դեպքում որակային վնասները շատ չեն։

Քննարկման հիմնական երեք մտքերն են․

1․ Սննդային թափոնը չպետք է հայտնվի աղբանոցներում․ փոխարենը այն կարելի է օգտագործել որպես բնական պարարտանյութ։
2․ Մարդիկ և բիզնեսները պետք է դադարեն վատնել սնունդը, քանի որ այն երկրագնդին կամ որևէ այլ կյանքի ոլորտի շահավետ չէ։ Երբ օրգանական թափոնը ճիշտ չի օգտագործվում, այն երկրագնդի համար շատ վտանգավոր է դառնում։
3․ Օրգանական թափոնների անաերոբ քայքայումը մեթանի արտանետումների խոշոր աղբյուր է, ինչը բարձրացնում է երկրգնդի միջին ջերմաստիճանն ու խախտում մոլորակի բալանսը։

Մարզչի նպատակն է քննարկումների միջոցով երեխաներին ուղղորդել վերոբերյալ եզրակացություններին։ Սկսեք քննարկումը հարցնելով ուսանողներին, թե ինչը իրենց հետաքրքրեց կամ զարմացրեց ընթերցանյութում։ Երբ պատասխաններ չեն հնչում, մարզիչը կարող է տալ ուղղորդող հարցեր նաև ըստ անհրաժեշտության՝ կիսվել ուսանողի հետ սեփական մտքերով։

Ապա անցնել այն հարցերի քննարկմանը, որոնք ուսանողները նախօրոք ուղարկել են։ Եթե հարցեր չկան, շարունակել քննարկումը։

1․ «Too Good To Go»-ի համար թիրախային շուկան Միլենյալներն են (Millenials), քանի որ ծրագրի սկսվելու ժամանակ նրանք ավելի շատ էին տեղյակ բնապահպանական խնդիրներից: Հայաստանի դեպքում թիրախային տարիքը կարող է լինել Z սերունդը (1997-ից 2012 թվականներին ծնված մարդիկ), քանի որ հավելվածի կարևորության մասին իրազեկվածությունն ավելի ուժեղ է այդ սերնդի մոտ։ Ավելին, ավագ սերունդների համար, կախված տարիքից, հավելվածը կարող է ավելի դժվար լինել օգտագործել:

Սկզբում դժվար կլինի հավելվածի գործառնությունները կազմակերպել փոքր քաղաքներում կամ գյուղերում։ Հետևաբար, առավել նպատակային վայրեր են մեծ քաղաքները:

Չմոռանանք, որ հավելվածը կօգտագործվի ոչ միայն սպառողների համար որպես գումար խնայման միջոց, այլև իր հիմնական բնապահպանական նպատակով: Օրինակ՝ «Too Good To Go»-ն սպառողներին առաջարկում է սննդամթերքի տարբեր չափի «զամբյուղներ», որոնց վրա նշված է, թե որքան ածխածնի արտանետումներ են մարդիկ խնայում այդ «զամբյուղի» մթերքը չթափելով, այլ ուտելով: Այս «զամբյուղները» օգտագործվում են այն մարդկանց համար, ովքեր կիրառում են հավելվածը հիմնականում բնապահպանական պատճառով:

Մյուս խմբերը, ովքեր կարող են օգտվել հավելվածից, համալսարանականներն են, քանի որ նրանք հիմնականում ժամանակ և ֆինանսներ չունեն այլ սնունդ թույլ տալու համար, սա լավ տարբերակ կլինի նրանց համար: Լավ թիրախ կարող են լինել նաև այն մարդիկ, ովքեր աշխատանքից հետո ժամանակ չունեն ճաշ պատրաստելու:

2․ Ինչպե՞ս կանեք, որ այդ մարդիկ իմանան ձեր մասին և սկսեն օգտագործել հավելվածը։

Հավելվածի ստեղծման սկզբում «Too Good To Go»-ն խոշոր ֆինանսական կարողություններ չի ունեցել։ Նրանց հիմանական մեխանիզմը եղել է այլ բնապահպանական ծրագրերի, նախագծերի և հարթակների միջոցով իրենց մասին հանրությանը տեղեկացնելը։

Մեկ այլ տեխնրիկա, որի մասին նշում են «Too Good To Go»-ի հիմնադիրները, դա «խոսքը բերանից» (word of mouth) մարքեթինգն է։ Մարդիկ հակված են վստահելու իրենց ընկերեների, ընտանիքի անդամների և հարևանների խոսքերն ավելի շատ քան հեռուստացույցտի էկրանից իրենց նայող ժպտերես երիտասարդի, ով գովազդում է հավելվածը։ Բնապահպանական համայնքները և այլ օգտառուներ իրենց խոսքերով ու առօրյա խոսակցություններով ակամայից տարածում են հավելվածի մասին իրենց դրական կարծիքները։

Միաժանակ հավելվածը մաքսիմալ հեշտ, պարզ ու օգտակար է պատրաստվել՝ օգտագործողին մաքսիմալ հարմարավետություն ապահովելու համար։ Սա ապահովում է, որ հետադարձ կապը լինի դրական, իսկ «խոսքը բերանից»-ը աշխատի հավելվածի օգտին։

Ներդրողներ՝

1. Եթե ունեք օգնության կարիք, խոսեք այն խմբերի, մարդկանց մասին, որոնք արդեն իսկ ձեզ աջակցում են։ Սա վստահություն կներշնչի ներդրողների մոտ։

Իրավիճակ: Մի հյուրանոցում մարդիկ սկսել են նույն սրբիչը օգտագործել 26%-ով ավելի հաճախ, երբ տեսել են հյուրանոցի կողմից հետգրությունը, ըստ որի, համարի նախկին հյուրերը երկրագունդը փրկելու համար նույն սրբիչը մի քանի անգամ են օգտագործել։

2. Եթե նախկինում որևէ կազմակերպություն կան նախագիծ դեռ չի աջակցել ձեզ, ապա անպայման նշեք ձեր 3 Ֆ-ի (3 F's) մասին՝ ընտանիք (family), ընկերներ (friends), և «հիմարներ» (fools)։ Ամեն տարի ստարտափ ձեռնարկությունների 35-40%-ը կապիտալ է ստանում ընկերներից և ընտանիքից: Պետք չէ նշել, որ ձեզ աջակցողները ընտանիքը կամ ընկերներն են։ Կարող եք ուղղակի նշել օրինակ, որ նախագիծն ունի քսանից ավել աջակցող։

3. Ծանոթության կողմնակալությունը կարող է աշխատել, եթե ներդրողը նմանություններ ունի ձեր կամ նախագծի հետ ինչ-որ կերպ: Միգուցե ներդրողն ու դուք արմատներով նույն քաղաքից եք, կամ մի մեծ համայնքի մաս եք կազմում։ Թերևս արժե նշել այդ նմանությունները: Իսկ եթե չունեք այդպիսի նմանություններ, ապա գտեք մեկին (հնարավոր է ձեր կապերի (network) մեջ), ով ունի, և թող այդ անձը ներկայացնի ձեզ և ծանոթության միջնորդ դառնա։

Ռեստորաններ՝

1. Ձեր առաջարկի ժամանակը կամ քանակը սահմանափակելը ավելի շատ հնարավորություններ է բերում: Առաջարկեք սահմանափակ քանակությամբ սարքերի փորձարկում սահմանափակ ժամանակում։ Սա նաև վստահություն է ներշնչում։

2. Երբ ցանկանում եք որոշակի գին սահմանել, արդյունավետ է առաջարկել երեք տարբերակ և ցանկալին առաջարկել մեջտեղում։ Երբ մարդիկ ընտրություն են կատարում երկու տարբերակների միջև, նրանք հակված են ընտրել էժանը։ Իսկ երբ երեք տարբերակ է ներկայացված, մարդիկ հակված են մտածել, որ մեջտեղում գտնվող տարբերակը ամենաօպտիմալն է։

3. Եթե փորձում եք որևէ մեկին վաճառել գրիչ, պետք չէ նկարագել, թե ինչքան լավն է գրիչը։ Պետք է նրան ցույց տալ, որ նա ունի այդ գրիչի կարիքը։ Այս դեպքում հարկավոր է գործարարին ցույց տալ, թե ինչքան կարևոր է իր համար Winnow սարքը՝ ցույց տալով, թե ինչքան գումարային կորուսներից այն կարող է փրկել։