Կարևոր է հասկանալ՝ ում համար եք լուծում ձեր խնդիրը։ Օրինակ՝ եթե ձեր խնդիրը կապված է սկուտերներ կամ հեծանիվ քշելու անվտանգության հետ, կարող եք այդ անվտանգությունը ապահովել՝
1) Սկուտեր քշող երիտասարդի համար
2) Սկուտեր քշող առաքման կազմակերպության ներկայացուցչի համար
3) Փողոցում քայլող տարիքով մարդու համար, ով չի տեսնում ու չի լսում, որ սկուտեր է մոտենում
4) Մեքենաների համար, որոնք կարող են չնկատել սկուտերը և հարվածելով վնասել թե՛ քշողին, թե՛ իրենց մեքենան
Եվ այսպես ցուցակը կարող ենք հավերժ շարունակել։ Ինչո՞ւ ենք ուզում սա իմանալ և ինչո՞ւ է այն կարևոր։
Կախված նրանից, թե ում համար եք լուծում խնդիրը, ձեր լուծումները տարբերվելու են, քանի որ այդ բոլոր մարդիկ տարբեր կարիքներ ունեն։
Օրինակ, տարիքով անձը չի լսում, որ իրեն մոտենում է սկուտեր, քանի որ սկուտերի վրա չկա բարձր ազդանշան, հետևաբար լուծումը կարող ենք կապել դրա հետ։ Իսկ եթե վերցնենք առաքման կազմակերպության անդամի համար նրա անվտանգության խնդիրը լուծելը, պետք է հասկանանք՝ ինչն է նրան անհանգստացնում, հասկանանք դրա պատճառները և ապա հասկանանք լուծման ուղղությունը։ Դա կարող է լինել ապահովության համար նախատեսված հագուստի, սկուտերի որակի, կամ ճանապարհի որակի հետ կապված անհանգստություն։
Այդ իսկ պատճառով պետք է հասկանալ՝ ում համար ենք լուծում մեր խնդիրը։