Պարզապես մուտք ես գործում
Google.com հարթակ և գրում այն, ինչ փնտրում ես։
Եթե ավելի կոնկրետ արդյունքներ ես ցանկանում տեսնել, ավելացրու մանրամասնող բառեր։
Google-ից օգտվելը շատ հեշտ է։
Օրինակ՝ եթե քեզ պետք են գեղեցիկ նկարներ, գրում ես "գեղեցիկ նկարներ" (eng․ beautiful pictures): Եթե ավելի հստակ նախասիրություններ ունես, ավելացնում ես մանրամասնող բառեր, օրինակ, "գեղեցիկ նկարներ ծաղիկներ" (eng. beautiful pictures flowers):
Եթե հետազոտություն ես կատարում,
և պետք է գտնել որևէ տեղեկության հավաստիությանը վերաբերող հոդված, լավ կլինի դիտարկել տարբեր տեսակետներ և կարծիքներ։
Օրինակ՝ ցանկանում ես տեսնել
արդյոք բուսակերությունը առողջարար
է մարդու համար թե ոչ։ Դու նախ կգրես հարցդ՝ "Արդյոք բուսակերությունը առողջարար է մարդու համար"
(eng․ Is veganism healthy for people?)
և կստանաս տարբեր հոդվածներ։
Բայց այստեղ դու կարող ես նաև գրել՝ "բուսակերությունը առողջարար է"
(eng․ Veganism is healthy) և կարդալ դա հաստատող հոդվածները։ Եվ հետո կարող ես կարդալ դրան հակադրող հոդվածներ, գրելով,
"բուսակերությունը վտանգավոր է" (Veganist is not healthy):
Նաև որևէ կազմակերպության կամ մարդու մասին տեղեկություն հավաքելիս օգտակար է հավաքել ոչ միայն լավ, այլ նաև հակասական տեղեկությունները և կարծիքները։
Օրինակ՝ փնտրելիս կարող ես մարդու կամ կազմակերպության անվան կողքը գրել "սկանդալ" կամ "խարդախություն" կամ այլ նման բառեր` տեսնելու արդյոք նման տեղեկություն կա իր մասին և ինչ տեղեկություն է դա։
Սա շատ օգտակար մոտեցում է՝ հասկանալու և տեսնելու ամբողջ պատկերը և տարբեր կարծիքներ, ավելի անկողմնակալ և օբյեկտիվ կարծիք կազմելու համար։