ԻՆՉ ԵՆ ԱՍՈՒՄ ՄԵՐ ՇՐՋԱՆԱՎԱՐՏՆԵՐԸ

Իլոնա, Այբ դպրոց, Երևան

Արտասահմանյան համալսարանները շատ են գնահատում էկոլոգիական և կրթական ծրագրերի մասնակցությունը։ ԱՄՆ Համալսարաններ դիմելու ժամանակ Climate Uturn ծրագրի ընթացքում սովորած գիտելիքներս ու իմ էկոլոգիական նախագիծը մեծ առավելություն է ընդունելության համար։

Իմ նախագիծը էկոլոգիապես կայուն սրճարան ունենալու ուղեցույց է, որն իր մեջ ներառում է լուծումներ սննդի, ջրի, էներգիայի վատնման խնդիրներին, որոնց ստեղծման գործում սրճարանները շատ մեծ մաս են կազմում։ Նախագծի իրականացման ընթացքում զարգացրել եմ հետազոտական և հաղորդակցական հմտություններս, որոնք անչափ կարևոր են կյանքում։

Ես շատ գիտելիքներ ու փորձ եմ ձեռք բերել սննդի և հագուստի թափոնների վատ ազդեցությունների մասին, ինչպես նաև ծանոթացել եմ մի քանի միջազգային կազմակերպությունների և անհատների հետ, որոնց գործունեությանը հետևում եմ մինչ օրս, ուստի ծախսված ժամանակը լիարժեք ծառայել է իմ ինքնակրթությանը։

Ծանոթացել եմ խելացի և հոգատար մենթորների՝ Էմիլյայի, Հասմիկի և Անետայի հետ, ինչպես նաև Climate Uturn-ի հիմնադիր Դիանայի հետ հետ։ Նախագծերի մասին փոդքաստներ նկարելու ժամանակ ծանոթացել եմ Climate Uturn-ի մարզային ծրագրերի շրջանավարտների հետ, որոնց հետ կապը պահում եմ մինչ օրս։

Ալլա, Դիլիջան

Նախ ծրագիրն ինձ օգնեց հասկանալ, որ տարիքը կապ չունի քո կատարած աշխատանքների ժամանակ։ Կապ չունի քանի տարեկան ես․ եթե ցանկանում ես ինչ-որ նոր բան ստեղծել, ապա կարող ես դա անել։ Նաև ստացա մեծ գիտելիքների պաշար, որոնք կյանքում շատ պետք են գալիս։

Երկրորդը՝ սովորեցինք արտահայտել մեր միտքը, քննարկել և վերլուծել այս կամ այն խնդիրը, մտածել, թե ինչպես կլուծեինք այն, եթե լինեինք այլ մարդկանց փոխարեն։ Դա օգնում է, որպեսզի մեզ մոտ առաջանա մեր սեփական միտքը, և մենք հեշտությամբ կողմնորոշվենք ապագայում նման խնդիրներին բախվելու ժամանակ։

Սովորել եմ դրամաշնորհ գրել ու նաև հասկացել, թե ինչպես են բիզնես ծրագրերը աշխատում, ինչպես կարող եմ առարկաների 3D մոդել ստեղծել, հետազոտություններ կատարել և այլն։ Կարծում եմ, որ այս բոլոր հմտությունները կյանքում շատ պետք կգան, և որ սա միանշանակ մեծ փորձ է և մարտահրավեր ինքներս մեզ համար։

Ծրագրի ամենամեծ ձեռքբերումներից մեկը նոր ծանոթություններն են։ Climate Uturn-ի թիմը ամենալավ թիմն է։ Այստեղ մարդիկ շատ ջերմ են ու պատրաստակամ ամեն հարցում օգնելու ու աջակցելու։ Եվ շատ շնորհակալ եմ, որ հնարավորություն եմ ունեցել աշխատել հենց Climate Uturn-ի հետ։

Լիլիա, Նոյեմբերյան

Միանշանակ արժեր մասնակցել, քանի որ նոր գիտելիքներ ձեռք բերեցի։

Լանա,
Այբ դպրոց,
Երևան

Climate Uturn-ի ծրագրից հետո մի բանը, որ շարունակում եմ մինչև հիմա՝ ծրագրի ազդեցության մասնիկներն իմ կյանքի տարբեր ոլորտներում ու իրավիճակներում գտնելն ու նկատելն է։ Լինի ընկերների հետ կատակներում ծրագրի ընթացքում սովորածս օգտագործելը, թե փոխանակման ծրագրի դիմելիս Climate Uturn-ի մասին խոսելը՝
Climate Uturn-ը մշտապես ներկա է։ Արդեն սովորական դարձած ու անքննելի ներկան քննելը, դրա մասին հարցադրումներ կատարելն ու որ ամենակարևորն է՝ լուծումներ առաջարկելը այն ամենն են, ինչ ծրագիրն ինձ ընձեռել է, կարճ ասած՝ առաջնորդությունը:

Իմ նախագծի նպատակը հագուստի թափոնների վերաօգտագործման եղանակների մշակումն էր և հագուստե ծաղկամանը հենց այդ փնտրված եղանակն էր։ Հետազոտությունը ամենակարևոր բաղադրիչներից էր, իհարկե, բայց մարդկանց հետ համագործակցելն էլ պակաս կարևոր չէր, որ անպակաս էր նախագծի ողջ ընթացքում։ Իսկ ամենից կարևորը մշտապես առավել կայուն ու առավել լավ լուծում գտնելու ձգտումն էր։ Հենց սրա շնորհիվ էր, որ ցեմենտից պատրաստված ծաղկամանը շուտով փոխարինվեց ամբողջապես բնական՝ բուսական նյութերից պատրաստվածով։

Climate Uturn֊ը իրապես մի մեծ համայնք է կամ ավելի ճիշտ կլինի ասել ընտանիք, որտեղ բոլորը, հավաքված լինելով միևնույն խնդիրների, արժեքների ու գաղափարների շուրջ, իրենց յուրահատուկ ու բազմազան լուծումներն են առաջարկում դրանց։ Գաղափարներով կիսվելը, պարբերաբար հանդիպելն ու պարզապես զրուցելն էլ հենց այդ ընտանիքի զգացողությունը վառ պահելու ու պարզապես մշտապես ոգեշնչվելու գրավականն է։

Հռիփսի,
Վաղարշապատ

Սովորեցի աշխատել այլ գործընկերների հետ, գտնել հովանավորներ, մասնակցեցի հարցազրույցի, ինչպես նաև ձեռքբերեցի շատ գիտելիքներ social media ոլորտում։

Ծրագրից ստացած գիտելիքները ինձ օգնել են կյանքի շատ իրավիճակներում ինչպես նաև դպրոցում՝ օգնելու շրջակա միջավայրին ու կոտրելու շատ կարծրատիպեր:

Հանդիպումները օնլայն են և բոլորին հարմար ժամերի։ Ինչպես նաև այստեղ չկա ուսուցիչ-աշակերտ կապը, որը ավելի ազատ ու հարմար է դարձնում շփումը և սովորելը։

Էրիկ,
Այբ դպրոց,
Երևան

Ծրագրից ստացած գիտելիքների շնորհիվ ես սկսեցի իրականացնել իմ նախագիծը, որը հասավ հաջողությունների և հանգեցրեց քաղաքապետարանի հետ համագործակցության:
Ես կյանքի եմ կոչել 7 հարկանի կանաչապատման նախագիծը, ավելի լավ եմ սկսել հասկանալ բույսերից և իրենց համադրության տարբերակներից:

Նանա, Կոլխոզաշեն, Արցախ

Climate Uturn ծրագիրը ինձ այս ամիսների ընթացքում շատ-շատ գիտելիքներ է տվել․ լսեցի և միևնույն ժամանակ սովորեցի այնպիսի բաների մասին, որոնք դեռ կյանքում չէի լսել, այնքան հետաքրքիր էին ընթերցանյութերը, որ նույնիսկ մի տող բաց չէի թողում։ Սովորեցի նոր տեխնոլոգիաների մասին, որոնց մասին պատկերացում էլ չունեի։

Անչափ շնորհակալ եմ Climite Uturn-ի թիմին ինձ նման հնարավորություն ընձեռնելու համար։ Այն, ինչ ինձ տվեցիք, շատ կարևոր և հոգեհարազատ էր, և նույնիսկ այս ծրագրից հետո արդեն ապագա մասնագիտության հարցում կարծես թե կողմնորոշվում եմ։

Իսկ իմ մարզիչի մասին էլ խոսքեր չեմ գտնում ասելու։ Մի հրա՜՜՜՜շք էակ։

Տիգրան, Ստեփանակերտ, Արցախ

Ինձ դուր եկավ ամեն ինչ ծրագրի հետ կապված, ստացա նոր գիտելիքներ գյուղատնտեսության ոլորտում։ Նյութերը մատուցվում էին շատ հասկանալի ու մատչելի ձևաչափով։

Վահագն, Կոլխոզաշեն, Արցախ

Climate Uturn-ը շատ լավ ծրագիր է։ Մասնակցելով այդ ծրագրին ես իմացա, թե ինչն է էկոլոգիապես կայուն, ինչն է աղտոտում մեր շրջապատը և իմացա լուծումներ, որոնցով կկարողանամ լուծել այդ խնդիրները։

Սուրեն, Ստեփանակերտ, Արցախ

Շատ տպաորված եմ։ Ստացել եմ նոր գիտելիքներ։ Շնորհակալություն ձեր թիմին մեզ հետ աշխատելու համար։

Շուշան, Ստեփանակերտ, Արցախ

Ես շատ հավանեցի այս ծրագիրը, քանի որ շատ նորություներ բացահայտեցի։ Ինչպես նաև շատ եմ հավանել մեր դասընթացավարին, նրա մոտեցումները և վերաբերմունքը։

Էլեն, Ասկերան, Արցախ

Շատ հավանեցի ծրագիրը, շատ բան չէի իմանում նախքան մասնակցելը։ Հիմնականում իմ մեջ տպավորվել է հագուստի կայունությունը, որ պետք է գնենք հնարավորինս կայուն հագուստ։ Մինչև այդ ուշադրություն չէի դարձնում, իսկ հիմա նայում եմ պիտակներին։

Շատ հավանեցի, շատ նոր բաներ սովորեցի։ Սակայն դեռ չեմ հասցրել կիրառել ստացած գիտելիքներս։

Գևորգ, Ստեփանակերտ, Արցախ

Իրականում նախքան Climate Uturn ծրագրին մասնակցելը ես չէի կարողանում ճիշտ օգտագործել իմ ժամանակը, օրվա ռեժիմս հստակ չէր, ուշադրություն չէի դարձնում հագուստների պիտակներին, թե ինչից են դրանք պատրաստված,չգիտեի թե ինչքան վնաս եմ հենց ես պատճառում ինքս ինձ և իմ շրջակա միջավայրին։

Ծրագին մասնակցելուց հետո արդեն այդ ամենին ուշադրություն եմ դարձնում, և, որ ամենակարևորն է, Climate Uturn֊ը ինձ սովորեցրեց ժամանակը օգտագործել ճիշտ նպատակներով, և եթե հնարավոր է խնայել։ Ծրագիրը մինչև օրս էլ տալիս է իր բարի և օգտակար խորհուրդները, և վստահ եմ, որ դեռ կտա։

Աննա, Ասկերան, Արցախ

Ես ավելի մանրամասն ծանոթացա բնապահպանության հետ և ձեռք բերեցի անհրաժեշտ գիտելիքներ։

Մոնիկա, Ասկերան, Արցախ

ՄԵՐ ՇՐՋԱՆԱՎԱՐՏՆԵՐԸ և ԹԻՄԸ ՄԵԴԻԱՅՈՒՄ