Էներգիա

1․ Արևային էներգիա
Պատճառ՝ Վայոց Ձորը ամբողջ տարվա ընթացքում ստանում է մեծ քանակությամբ արևի լույս։ Ինչպես նաև սա թույլ կտա, որ առանձին փոքր համայնքներ և նույնիսկ տներ ստանան իրենց էներգիան։

2․ Հիդրոէներգիա
Պատճառ՝ Տարածաշրջանն ունի մի քանի գետ և առուներ, որոնք կարող են օգտագործվել փոքր հիդրոէներգետիկ նախագծերի համար:

3. Հողմային էներգիա
Պատճառ՝ Վայոց Ձորը չունի շատ հարթավայրեր, սակայն իր բարձր դիրքերի որոշակի երկար տարածքները կարող են հարմար լինել հողմատուրբինների տեղադրման համար:

4. Կենսաբանական էներգիա
Պատճառ՝ Տարածաշրջանի գյուղատնտեսական մնացորդները և մյուս օրգանական թափոնները կարող են վերածվել կենսազանգվածի էներգիայի՝ հիմնականում ջեռուցման համար։

5. Երկրաջերմային էներգիա
Պատճառ՝ Հայաստանն ունի պոտենցիալ երկրաջերմային ռեսուրսներ, որոնք կարելի է ուսումնասիրել և զարգացնել, թեև այն պահանջում է հետագա ուսումնասիրություն՝ հատուկ Վայոց Ձորում իրագործելիությունը գնահատելու համար:

Շենքեր և շինություններ

Անկախ շենքերի տեսակից նրանք պետք է լինեն էներգաարդյունավետ: Նրանք կարող են օգտագործել արևային էներգիա, բայց պետք է նաև կառուցվեն պասիվ հովացման համակարգերով, ինչպիսիք են բադգիրները կամ էներգաարդյունավետ նյութերը, որոնք թույլ են տալիս շենքին պահպանել իր ջերմաստիճանը:

Կբացվեն բնակելի շենքեր, դպրոցներ, բիզնես կենտրոններ, ստարտափ ինկուբատորներ, առողջապահական համալիրներ։ Զբոսաշրջության նոր կենտրոններ կստեղծվեն, ինչպես նաև հյուրանոցներ, սրճարաններ, ռեստորաններ և այլն: Կկառուցվեն և վերանորոգվեն նաև մշակութային շենքերը, թանգարանները և այլն։

Եթե ​​շենքերը բնական աղետների կամ այլ պատճառներով քանդման վտանգի տակ չեն, ապա դրանք չեն քանդվի, որպեսզի չլինի էներգիայի և ռեսուրսների կորուստ։ Սա թույլ կտրվի անել հազվադեպ և միայն եթե այդ շենքի նյութերը կօգտագործվեն այլ շենքերի կառուցման համար: Հին շենքերը, որոնք ռիսկային չեն, կվերանորգվեն։ Պատմական և մշակութային նշանակություն ունեցող շինությունները կպահպանվեն և կվերանորոգվեն՝ ժամանակակից էներգետիկ չափանիշներին համապատասխանելու համար:

Արտերկրից կայուն շինանյութ չի ներկրվի, քանի որ դրանք Հայաստան բերելը տրանսպորտային տեսանկյունից կայուն չի լինի [առաջացնում է արտանետումներ]։ Ավելի կայուն է տեղական նյութեր գնելը կամ չլինելու դեպքում արտադրելը: Հեմկրետի արտադրությունը կամ բամբուկների աճեցումը, բամբուկներից ապակին օգտագործելով, կարող են տարբերակներ լինել, քանի դեռ դրանք պատվիրված չեն դրսից:

Տրանսպորտ

Անհատների և ընտանիքների համար հիմնական լուծումը կլինեն էլեկտրական ավտոբուսները, որոնք կանոնավոր երթուղիներով կապում են հիմնական բնակելի, բիզնեսի և համայնքային տարածքները: Հեծանիվների փոխանակման կայանները՝ էլեկտրական հեծանիվներով և սկուտերներով, կգործեն բոլոր խոշոր համայնքներում: Փողոցներում կգծվեն հատուկ հեծանվային ուղիներ։

Մի համայնքից մյուսը տեղափոխվելու համար կարելի է օգտագործել նաև Արփա գետը։ Կօգտագործվի Մոսկվայում գործող էլեկտիկ գետային փոխադրամիջոցի մոդելը։

Carpooling-ը ակտիվորեն կօգտագործվի տարբեր գրասենյակների կամ գործարանների աշխատողների կողմից, ովքեր գնում են աշխատանքի այլ համայնքում:

Առաքման էլեկտրական ֆուրգոնները և բեռնատարները ակտիվորեն կօգտագործվեն տարածաշրջանում սննդի, կահույքի և ավելի մեծ ապրանքների տեղափոխման համար: Էլեկտրական բեռնատար հեծանիվները կօգտագործվեն քաղաքային բնակավայրերում փոքր առաքումների համար՝ նվազեցնելով երթևեկության գերբեռնվածությունը և արտանետումները:

Այդ բոլոր համակարգերը ինտեգրվելու են մեկ MaaS հավելվածի/ծրագրի մեջ, որը համայնքին թույլ կտա իր բնակչությանը տրամադրել փոխադրման լավագույն տարբերակները տարբեր իրավիճակների համար:

Սննունդ և թափոններ

Տեղական գյուղատնտեսությունը կխրախուսվի՝ տրամադրելով սուբսիդիաներ, ուսուցում և ռեսուրսներ կայուն գյուղատնտեսական պրակտիկայի համար, ինչպիսին է պերմակուլտուրան: Գյուղատնտեսությունում վնասակար քիմիական նյութերի դեմ օրենքներ են լինելու։ Համայնքային այգիներ կկառուցվեն քաղաքային և գյուղական վայրերում, որպեսզի բնակիչները ներգրավեն իրենց սեփական սննդի աճեցմանը: Մոտ գյուղական տնտեսություններից սնունդ կտեղափոխվի քաղաքներին: Կկազմակերպվեն կիրակնօրյա սննդի շուկաներ՝ թարմ մթերքների ուղղակի վաճառքը հեշտացնելու համար։

Ակտիվ են լինելու համայնքային կոմպոստացման ծրագրերը։ Բոլոր գյուղերում կստեղծվեն կոմպոստացման կետեր, որոնք սննդի մնացորդները կվերածեն տեղական ֆերմաների և այգիների համար արժեքավոր պարարտանյութի:

Ռեստորաններից, սրճարաններից և ճաշարաններից կպահանջվի առանձնացնել օրգանական թափոնները՝ կոմպոստացնելու կամ կենսագազի վերածելու համար: Նրանց հնարավորություն կտրվի գնել կենսագազի մեքենա և օգտագործել իրենց արտադրած սննդի թափոնները՝ կերակուր պատրաստելու համար կենսագազ ստեղծելու համար։

Խանութներում և սուպերմարկետներում կկիրառվի Wasteless համակարգ՝ ընդհանուր սննդամթերքի թափոնները նվազեցնելու համար։ Երբ սննդի թափոններ առաջանան, նրանցից կպահանջվի այն բերել տեղական կոմպոստացման կետ: Այստեղ պատրաստված պարարտանյութը կտրամադրվի համայնքի ֆերմերներին։

Հաստատություններից կպահանջվի տեղական և սեզոնային բաղադրամասերը օգտագործել՝ աջակցելու տեղական ֆերմերներին, ովքեր զբաղվում են պերմակուլտուրայով: Նրանց ճաշացանկերը պետք է փոխվեն ըստ սեզոնի: Նրանք կխրախուսվեն սննդամթերքի թափոնները նվազեցնելու համար մասնաբաժինների վերահսկում իրականացնել: