Քննարկում 4։ Սնունդ և Սննդային Թափոններ
Էջը անհրաժեշտ նյութերի և առաջադրանքների
պանակ-ուղեցույցն է հինգերորդ
քննարկում-հանդիպման համար
Մուտք
Սկսեք քննարկումը՝ ուսանողներից յուրաքանչյուրին հարցնելով` ինչպես են դասերը, օտար լեզվի կամ սպորտի պարապմունքները (կախված ուսանողնից), կամ էլ հարցնելով, թե ինչը նրանց հետաքրքրեց կամ զարմացրեց ընթերցանյութում և թե ինչ հիմնական եզրակացություններ կարելի է անել կարդալուց հետո։ Միևնույն ժամանակ մարզիչը նշում է ուսանողների ներկայությունը spreadsheet-ում:
Երբ պատասխաններ չեն հնչում, մարզիչը կարող է տալ ուղղորդող հարցեր, նաև ըստ անհրաժեշտության, կիսվել ուսանողի հետ սեփական մտքերով։
Քննարկումները տևում են 75 րոպե։ Եթե մարզիչը զգում է, որ քննարկումը ձգձգվում է, ապա փորձում է ավարտել այն քննարկում-վարժությունը, որը սկսել են և միաժամանակ ավարտել հանդիպումը։

Քննարկումները դասավորված են ըստ կարևորության հերթականության, այսինքն վերջին քննարկումների կարևորությունն ավելի ցածր է և դրանք չհասցնելու դեպքում որակային վնասները շատ չեն։
1. Քննարկում-Վարժություն
Թիրախավորվող հմտություններ
Գաղափարների սինթեզում
Տևողություն՝ 5 րոպե
  • Առաջադրանքի ներկայացում
    Հիշում ե՞ք Too Good To Go կազմակերպությունը ընթերցանյութից։ Այսօր սկսելու ենք արագ տեմպով և փորձելու ընդամենը 5 րոպեում ստեղծել ՀՀ-ում TGTG-ի նման ընկերություն, որը լուծում է նմանատիպ խնդիր։

    Հիմա անում ենք արագ մտագրոհ։ Ի՞նչ անուն կունենա ձեր հավելվածը։
    Ո՞վ կլինի ձեր հաճախորդը։

    Եկե՛ք հիշենք ընթերցանյութի նյութերը և փորձենք դրանք կիրառել ձեր մոդելը ստանալու համար։

    Ունեք 3 րոպե մտագրոհի համար։

    Ուսանողների քննարկումից հետո մարզիչը ամփոփում է նրանց հիմանական գաղափարները։
  • Ուղղորդումներ
    Ուսանողները կարող են ընտրել ցանկացած անուն։ Այն շատ կարևոր չէ, և պետք չէ դրա վրա ծախսել երկար ժամանակ։

    Նրանց հաճախորդը հասկանալու համար պետք է առաձանցնեք սեգմենտներ ըստ մի քանի բաղադրիչի՝ տարածք, տարիք, սեռ, հետաքրքրություններ, մոտիվացիա, և այլն։ Այս հավելվածի համար դա կլինի՝
    • Թիրախային տարիք՝ Z սերունդը (1), տարիքով մարդիկ (2)
    • Տարածք՝ մեծ քաղաքներ
    • Արժեք՝ ցածր գին, բնապահպանություն, ժամանակի խնայում
    • Օրինակ՝ ուսանողներ, թոշակառուներ
    Ապա պետք է ընտրեք թիրախ՝ ուսանողներ, կամ գիշերային ժամերին աշխատող օֆիսներ։ Կա մի պարզ կանոն՝ եթե թիրախավորում եք բոլորին, ոչ մեկին չեք թիրախավորում։
  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ արագորեն միավորել մի քանի գաղափար մեկի մեջ, սինթեզել արդեն իսկ ծանոթ գաղափարները իրական դեպքի վրա, և այլն։
Օրվա դերը
Այսօրվա քննարկման համար դուք լինելու եք ձեր նոր հիմնած կազմակերպության տնօրենները, որոնք փորձում են 0-ից իրագործել իրենց գաղափարը։

Մնացած առաջադրանքները ձևովորվելու են ձեր դերի հիման վրա։
Ծանոթացում շաբաթվա արժեքի հետ
Երբ դուք ընկերության տնօրեն և հիմնադիր եք, դուք անընհատ աշխատում եք մարդկանց հետ՝ ձեր թիմում և նույնիսկ թիմից դուրս։ Մարդկանց հետ աշխատելը հեշտ չէ, քանի որ եթե պլանավորում եք նրանց հետ անցնել երկար ճանապարհ լինելու են պահեր, երբ չեք հասկանալու միմյանց, դժվարանալու եք տեսնել դիմացինի տեսակետը, և լինելու եք այնպիսի իրավիճակներում, երբ հանձնվելը կամ միայն ձեր տեսակետը տեսնելը ամենահեշտ լուծումն է լինելու։ Սակայն ամենահեշտ լուծումը դեռևս ամենալավ լուծումը չէ, քանի որ ձեր թիմի լավագույն անդամները կարող են լքել ձեզ, ձեր ֆինանսավորողները կարող են ձեզ գումար չտալ, եթե շատ բաների նրանց տեսակետից չնայեք։

Այդ իսկ պատճառով, մեր այս շաբաթվա գործարարը՝ Հայկ Հայրապետյանը, որի մասին կարդացել եք ընթերցանյությում, ունի մի քանի արժեք, որը միշտ մտքի մեջ է պահում մարդկանց հետ աշխատելիս, և ընդհանրապես կյանքում։

Դրանք են՝ բազմազանություն, անկեղծություն և հարգանք։

Այսօր մենք փորձելու ենք ավելի մոտիկից ծանոթանալ այս արժեքներին։
2. Քննարկում-Վարժություն
Թիրախավորվող հմտություններ
Թիմային աշխատանք, հաղորդակցություն, քննատադատական մտածողություն
Տևողություն՝ 5 րոպե
  • Առաջադրանքի ներկայացում
    Դուք հիմա ունեք ձեր հավելվածի գաղափարը։ Սակայն շատ չքիչ գաղափարներ է, որ կարող եք իրագործել միայնակ։

    Պատկերացրեք, որ սկսել եք աշխատել ձեր գաղափարի վրա, և փնտրում եք ևս մեկ մարդու՝ համահիմնադիրի, ով կմիանա ձեզ և կօգնի միասին այն իրագործել։

    Հարց 1․ Ինչպիսի՞ անձ կցանկանաք, որպեսզի միանա ձեզ։

    Ուսանողները պատասխանում են 1 րոպե։

    Հարց 2․ Ի՞նչ եք կարծում, ավելի լավ է, որ ձեր թիմակիցը ձեզնից տարբերվի, թե՞ նման լինի։ Ո՞րն է ավելի լավ։

    Ուսանողները պատասխանում են 1 րոպե։

    Մարզիչը կիսում է ուղղորդումները։
  • Ուղղորդումներ
    Շատ հաճախ մենք հակված ենք աշխատել անձանց հետ, ովքեր մեզ շատ նման են՝ թե՛ արժեքներով, թե՛ աշխատանքի ոճով, թե՛ մտածելակերպով։ Մենք ընտրում ենք սա, քանի որ այս տարբերակը առավել հեշտ է մեզ համար։ Սակայն շատ հաճախ սա մեզ բացի հարմարավետությունից ոչինչ չի բերում։ Երբ մենք աշխատում ենք միայն այն անձանց հետ, ովքեր մեզ նման են, մենք չենք տեսնում այլ տեսակետ և չենք աճում։ Եթե ցանկանում եք աճել, պետք է ընտրել թիմակիցի, ով ձեզնից տարբեր է, և ունի այն առավելությունները որ դուք չունեք։ Սա է հենց բազմազանության հինքում, որը մեզ սովորեցնում է Հայկ Հայրապետյանը։

    Հայկը պատմում է, որ իր գործընկերն իմ հակառակ պատկերն է՝ Հայկը կառուցվածքային մտածող է, իսկ իր գործընկերը՝ քաոտիկ: Նրա համար սկզբում անհարմար է եղել աշխատելը, բայց նա սկսել է հասկանալ, որ կարևոր է ընտրել ոչ թե հարմարավետություն, այլ աճ։ Լինելով հակադիր կողմեր դուք կարող եք հավասարակշռել միմյանց, և եթե վստահում եք իրար, կսովորեք միասին աշխատել: Չկա նման բան, որ ոմանք ավելի լավն են, ոմանք ավելի վատ, կան միայն տարբեր ուժեղ կողմեր։
  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ թիմակցի ճիշտ ընտրություն, հակադիր հմտությունների բալանսավորում, նախընտրել աճը հարմարավետությանը և այլն։
3. Քննարկում-Վարժություն
Թիրախավորվող հմտություններ
Ինքնավերլուծություն, ինքնաանդրադարձ
Տևողություն՝ 10 րոպե
  • Առաջադրանքի ներկայացում
    Որպեսզի անեք այն ինչ քննարկեցինք՝ կարողանանք ընտրել ձեզնից տարբերվող թիմակցի, պետք է նախ հասկանաք ինքներդ ձեզ։

    Մաս 1

    Դրա համար Հայկը առաջարկում է մի հետաքրքիր մեթոդ։ Եկեք վերցնենք թուղթ և գրիչ, և գրենք 10 հոգու՝ այն մարդկանց, ում սիրում եք հետևել սոցիալական ցանցերում, կարդալ, զրուցել նրանց հետ։ Գրեք ինչն է ձեզ դուր գալիս՝ միգուցե խոսալու ոճը, կամ թեման։ Ինչո՞ւ եք նրանց հետևում։

    Ունեք 3 րոպե։
    Ավարտելուց հետո մարզիչը կիսում է իր ուղղորդումները։ Ուսանողներից 1-2 կարող են կիսել իրենց արդյունքները։

    Մաս 2

    Հիմա երբ հասկացանք ոլորտները կամ ուղղությունները, կարևոր է նաև հասկանալ թե ձեզ ինչն է դուր գալիս ավելի շատ։ Հիմա ձեր դուրս բերած ուղղությունները գրեք այնպես, կարծես ցանկանում եք այն անել կամ արել եք։ Օրիանկ՝ գնալ գիթառի պարապունքների, նվագել դաշնամուր կամ սովորել պարել։ Գրեք նման 2-3 արտահայտություն։ Տրվում է 1 րոպե։

    Մարզիչը լսում է ուսանողներից 2-3 օրինակ, և կիսվում ուղղորդումներով։
  • Ուղղորդումներ
    Մաս 1

    Երբ դուք դուրս եք գրում պատճառները ինչու է որոշակի մարդկանց հետ շփվելը ձեզ դուր գալիս, կամ ինչու եք հետևում կոնկրետ մարդկանց, դուք պատկերացում եք կազմում, թե ենթագիտակցորեն ում եք ցանկանում նմանվել և ինչ եք ցանկանում անել։

    Մաս 2


    Պետք է ուշադրություն դարձնել նրան, թե ինչպես եք խոսում և գրում ձեր մտքերը։ Սա օգնում է հասկանալ, թե ինչն է ձեզ համար կարևոր` արդյո՞ւնքը, թե՞ ընթացքը: Երկու տարբերակներն էլ լավ են, բայց իմանալով ձերը, ավելի հեշտ է հասկանալ, թե ինչպես մոտիվացնել ինքներդ ձեզ։

    Օրինակ, եթե ասում եք ուզում եմ ալբոմ ձայնագրել, ձեզ մոտիվացնում է արդյունքը, քանի որ ալբոմը վերջնարդյուքն է։ Իսկ եթե ասում եք ուզում եմ երգեր ձայնագրել իմ ստուդիայում, ձայնագրելը ընթացք է, որը ձեզ մոտիվացնում է։

    Այս տեխնիկան նույնպես ակտիվորեն կիրառվում է Հայկի կողմից։ Հասկանալով ձեզ՝ դուք կսկսեք նաև հասկանալ ինչն է ձեր մոտ պահասում, և ինչպիսի մարդիկ են ձեզ անհրաժեշտ բազմազանություն ապահովելու համար։
  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ ինքնավերլուծություն, սեփական մոտիվացիայի մասին պատկերացումներ, և այլն։
4. Քննարկում-Վարժություն
Թիրախավորվող հմտություններ
Քննադատական մտածողություն, արժեքների և հմտությունների գնահատում
Տևողություն՝ 10 րոպե
  • Առաջադրանքի ներկայացում
    Պատկերացրեք, որ թիմակցի հետ զարգացրել եք ձեր հավելվածը, և ձեր թիմը պետք է մեծացնեք, քանի որ երկուսով չեք հասցնում։

    Անցած հանդիպման ժամանակ դուք դուրս եք բերել որակների և հմտությունների ցանկ, որոնք պետք է մարդիկ ունենան ձեզ միանալու համար։ Եկեք նայենք այս ցուցակին, և հասկանանք, արդյոք ցանկանում ենք ավելացնել որոշ կետեր։

    Մարզիչը կիսում է էրկրանը և 1 րոպե ուսանողների հետ քննարկում ցանկը։ Եթե ցանկի մեջ եղել է անկեղծություն որակը/արժեքը մարզիչը հարցնում է, թե ինչպես առաջին հանդիպման/ հարցազրույցի ժամանակ, մինչև աշխատանքի անցնելը նրանք կչափել տվյալ անձի անկեղծությունը։ Եթե տվյալ արժեքը չի նշվել, մարզիչը նախ հարցնում է արդյո՞ք անկեղծությունը կարևոր է (և ինչո՞ւ), և ապա անցնում վերոնշյալ հարցի քննարկմանը։ Հարցի քննարկումը տևում է 3 րոպե։

    Անկեղծությունը քննարկելուց հետո մարզիչը հարցնում է, իսկ արդյոք կարևոր է մտածելակերպի ճկությունը և խնդիրներ լուծելու կարողությունը, և ինչո՞ւ (եթե սա եղել է ուսանողների ցուցակում, մարզիչը հիմնվում է դրա վրա)։ Ինչպե՞ս սա կարելի է ստուգել առաջին հանդիպման ժամանակ։ Սա քննարկվում է 3 րոպեի ընթացքում, ապա մարզիչը կիսում է ուղղորդումները։
  • Ուղղորդումներ
    1․ Անկեղծությունը կարևոր է , քանի որ եթե անձը ստում է, նա կարող է խաբել ձեզ հավելվածի կամ իր թերացումների մասին, որը ձեզ կվնասի։ Քանի որ սա Հայկի կարևոր արժեքներից է, նա խորհուրդ է տալիս հարցազրույցի ժամանակ տալ հարց ուշադրություն դարձնել արդյոք մարդը նշում է ձախողումներ, թե միայն լավ հատվածներն է նշում։ Եթե միայն դրականն է նշում, կարող եք հարցնել թերացումներից և ստուգել արձագանքը։ Եթե պատասխանը չի նշում թերացումներ, ապա սա վատ ազդանշան է։ Նա անկեղծ չէ, և թիմում նույնպես անկեղծ չի լինի։

    2․ Մտածելակերպի ճկությունը կարևոր է, քանի որ ցանկացած թիմ/ընկերություն, հանդիպում է դժվարությունների, և կարևոր է, որ աշխատողը լինի ճկուն և կարողանա նայել իրավիճակին տարբեր կողմերից և փնտրել լուծումներ։ Ճկունությունը նույն մտածելակերպի բազմազանությունն է, որը կարևորվում է Հայկի կողմից։ Հայկը խորհուրդ է տալիս, հարցազրույցի ժամանակ կարելի է նրան տալ իրավիճակ և խնդրել, որ մտածի լուծումներ։ Լուծում լսելու դեպքում նրանից ասել, որ դա չի աշխատի, ապա խնդրել որ մտածի այլ լուծում։ Ով այդպես մի 5-10 անգամ։ Այսպես կարելի է հասկանալ ինչքան բազմազան ուղղություններով և ճկունորեն է աշխատում նրա միտքը։

  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ կարևոր հմտությունների գնահատում, անկեղծության մասին, որպես կարևոր արժեք, պատկերացում, ճկությունը և բազմազանորեն մտածելը, որպես առավելություն, և այլն։
5. Քննարկում-Վարժություն
Թիրախավորվող հմտություններ
Անկեղծությունը, որպես հիմնարար արժեք, թիմի հետ աշխատելու հիմունքներ, ռսիկերի կառավարում
Տևողություն՝ 15 րոպե
  • Առաջադրանքի ներկայացում
    Հիմա պատկերացրու, որ հավաքել ես քո թիմը։ Թիմում աշխատում եք արդեն մի քանի ամիս և տարբեր թիմի անդամների հետ ստեղծվել են տարբեր իրավիճակներ։ Հիմա հետթով եկեք քննարկենք այդ իրավիճակները։

    Իրավիճակ 1. Ձեր թիմի նոր անդամը հիանալի վաճառքի մարտավարություն է մշակել, և ձեռք է բերել 500 նոր հաճախորդ մեկ ամսում, և այդ ամիս նա ձեզանից՝ հիմնադիրներից 3 անգամ ավելի շատ գումար է վաստակել: Ի՞նչ կանեք այս իրավիճակում։

    Իրավիճակ 2. Դուք նոր մարդ եք վարձել, և մի քանի շաբաթ անց նա որևէ շոշափելի արդյունք ցույց չի տվել: Ի՞նչ կանեք։

    Իրավիճակ 3. Դուք շատ եք մեծացրել ձեր ընկերությունը, և ձեր դիզայները մի օր գալիս է ձեր մոտ և ասում է, որ պետք է բացել դիզայնի նոր թիմ և նրան 5 նոր դիզայներ է անհրաժեշտ թիմում։ Ինչպե՞ս եք վերաբերվելու իրավիճակին: Հիշեք, որ դուք չեք ցանկանում վիրավորել թիմի արժեքավոր անդամին, բայց նաև չունեք այնքան գումար, որ վարձեք 5 անդամ:

    Իրավիճակ 4. Թիմ են միանում նոր մարդիկ։ Ինչքանո՞վ եք վստահելու նրանց։ Ինչպե՞ս ցույց կտաք ձեր վստահությունը գործողություններով։

    Յուրաքանչյուր իրավիճակ քննարկում եք 2-3 րոպե, որից հետո կիսվում է իրավիճակների մասին ուղղորդումները։

  • Ուղղորդումներ
    Իրավիճակ 1. Պետք է անկեղծ լինել աշխատակցի հետ, չթաքցնել, որ նա ավելի շատ է վաստակել, և վճարել համապատասխան գումար։

    Երբ Հայկը առաջին անգամ միացել է GeekBrains-ին, նա սկսել է աշխատել վաճառքի բաժնում։ Մի ամիս նա այնքան է վաճառել, որ նախնական հիմնադիրներից ավելի շատ գումար է աշխատել: Հիմնադիրները նրանց զանգահարել են, անկեղծ և հումորով պատմեր իրավիճակի մասին և վճարել։ Նրանք չեն թաքցրել այդ փաստը կամ չեն փորձել մտածել, թե ինչպես չվճարել: Եվ սա անկեղծության կարևոր ցուցանիշ էր, որը Հայկի մոտ վստահություն է առաջացրել, և մոտիվացրել, որ ավելի լավ աշխատի։

    Իրավիճակ 2. Ըստ Հայկի լավ մարդուց/թիմակցից արդյունքներն անմիջապես տեսանելի են։ Այսինքն, երբ աշխատանքի եք վերցնում ինչ-որ մեկին և նա 2-3 շաբաթ անց արդյունքներ ցույց չի տալիս, ուրեմն համագործակցություն չի ստացվում։ Ավելի լավ է արագ ձախողել և անմիջապես հասկանալ՝ ճիշտ ուղու վրա եք, թե ոչ։ Թույլ տվեք նրան ավելի արագ հեռանալ ձեր կյանքից։ Սա նույնպես արդար և անկեղծ քայլ է ձեր կողմից։

    Իրավիճակ 3. Այս դեպքում կարևոր է կառավարել իրավիճակը ձեր տեսանկյունի՝ ձեր աշխարհի պատկերի միջոցով։ Եթե ​​դուք նրան ուղղակի «ոչ» ասեք, նա կմտածի, որ դուք ձեզ բարձր եք դասում և չեք ուզում, որ նա զարգանա։ Բայց եթե նրան անկեղծ բացատրեք, թե ինչպես է աշխարհի պատկերը ձեր կողմից և ինչպես եք դուք տեսնում իրավիճակը, նա կհասկանա ձեզ և կմտածի այլ լուծումներ: Միևնույն ժամանակ դուք հարգալից եք նրա տեսնակյունի նկատմամբ, քանի որ նրան և իր զարգացումը ավելի ցածր չեք դասում։ Հարգանքը շատ կարևոր է լավ հարաբերությունների զարգացման համար։

    Իրավիճակ 4. Կարևոր է այս դեպքում կառավարել հարգանքի միջոցով։ Աշխատողը անհանգստանում է, թե ինչ է մտածում իր թիմի ղեկավարը իր մասին։ Եթե դուք անմիջապես ասեք նրան, որ կարևոր գործեր եք նրան վստահում և նա կարող է դրա վրա աշխատել, դուք նրան ազատում եք այս ամենից: Սա կառավարում է հարգանքի միջոցով, քանի որ դուք նրան կարևոր եք դարձնում և հարգում իր գիտելիքը/հմտությունները։ Երբ Հայկը միացել է GeekBrains-ին, համահիմնադիրը վստահել է նրան անմիջապես, շատ արագ, և տվել է նրան բոլոր կարևոր գաղտնաբառերը: Լավ թիմակցի կողմից սա գնահատվելու է և դրա շնորհիվ նա կարող էի արագ շարժվել: Ես նույնպես անմիջապես վստահել թիմին և լինել անկեղծ:

    Ամենից հաճախ ավտորիտար մարդիկ, ովքեր սկզբում վատ տրամադրվածություն ունեն, վերահսկում են ամեն ինչ, նրանք իրենք են ստեղծում մի միջավայր, որտեղ մարդիկ սկսում են խաբել նրանց։ Սա չի լինում, երբ դիմացինին հարգում ենք և լինում անկեղծ։
  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ թիմի հետ աշխատանք, հարաբերություններում ռիսկերի գնահատում, և այլն։
6. Քննարկում-Վարժություն
Թիրախավորվող հմտություններ
Հաղորդակցություն, քննադատական մտածողություն
Տևողություն՝ 7 րոպե
  • Առաջադրանքի ներկայացում
    Ձեր թիմի ներսում կարող են առաջանալ իրավիճակներ, երբ դուք միմյանց չհասկանաք։ Նման իրավիճակներ առաջանում են նաև առօրյաում։ Եկեք նայենք մի քանի իրավիճակ, և մտածենք արդյոք մենք ճիշտ ենք հասկանում դիմացինին։

    Ի1։ Ձեր մայրիկը գոռում է ձեր վրա․«Քանի անգամ եմ ասել՝ տա՛ք հագնվիր»։

    Ի2: Ձեր ընկերը ձեզ ասում է. «Լավ գործ ես արել, բայց․․․ »

    Ի3: Ձեր դասղեկը լուրջ տոնով ասում է. «Արի իմ գրասենյակ»:

    Մարզիչը ուսանողների հետ 1-2-ի ընթացքում քննարկում է յուրքանաչյուր իրավիճակ, ապա կիսում յուրաքաչյուրի, ապա նաև ընդհանուր ուղղորդումը։

  • Ուղղորդումներ
    Ի1։
    Մտադրություն - Անհանգստանում է և մտահոգվում
    Կարող եք մտածել, որ - միշտ բարկացած է ձեզ վրա, ուզում է կառավարել ձեզ
    Հնարավոր է, որ - նաև հոգնած է աշխատանքից հետո, և դրա համար նյարդայնանում է

    Ի2:
    Մտադրություն - օգնել որ բարելավեք ձեր գաղափարը և ավելի լավ արդյունք ունենաք
    Կարող եք մտածել, որ - ուզում է անտեղին քննադատել ձեզ և խանգարում է
    Հնարավոր է, որ - ամաչում է շատ գովաբանել կամ բնույթով ավելի կենտրոնացած է խնդիրների լուծման վրա ոչ թե լավ կողմերը տեսնելու

    Ի3:
    Մտադրություն - քննարկել կարևոր հարց ձեր նախագծի հետ կապված
    Կարող եք մտածել, որ - բարկացած է ձեր վրա, ձեր մասին իմացել է այն ինչ չէիք ուզի, գոռալու է ձեր վրա
    Հնարավոր է, որ - լուրջ բնավորություն ունի, կամ շտապում էր և արագ ասելու պատճառով է լուրջ թվացել իր տոնը

    Ընդհանուր ուղղորդում՝

    Կարող եք նկատել, որ ցանկացած դեպքում մենք չենթադրեցինք, որ դիմացինը վատ անձ է։ Հայկը համոզված է, որ մարդկանց մեծամասնությունը լավն է: Եվ չկա օբյեկտիվ իրականություն, ամեն մեկն ունի իր սեփականը և պետք է հարգել իր տեսակետը՝ փորձելով հասկանալ նրա իրական և անկեղծ մտրադրությունը: Նա 20 տարի ուսումնասիրել է հոգեբանություն, և համոզված է, որ դիմացինի իրական մտադրությունը կարող ենք նկատել, եթե ոչ միայն լսենք այն տոնը, որով նա մեզ հետ զրուցում է, կամ այն ինչ ասում է, այլ նաև ինչ նա ի նկատի ունի։
  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ տոնայնություն մտադրության նպատակի և ասելիքի տարբերակում, հաղորդակցության վերլուծություն, նկատել իրական մտադրությունը և հարմարվել դրան, և այլն։
7. Քննարկում-Վարժություն
Թիրախավորվող հմտություններ
Փորձի վերլուծություն, գնահատում և համեմատում, թիրախային խմբերի հետ աշխատանք, մարքեթինգ, որոշումների կայացում անորոշ իրավիճակում
Տևողություն՝ 10 րոպե
  • Առաջադրանքի ներկայացում
    Եկեք վերադառնանք հայկական Too good to go-ին։ Պատկերացրեք, որ
    դուք ուզում եք կենտրոնանալ ձեր սնունդը ուսանողներին վաճառելու վրա, քանի որ նրանք ուշ են տուն հասնում, հաճախ մենակ են ապրում և եփել չգիտեն, ինչպես նաև ցանկանում են ուտելիքի վրա գումար խնայել։

    1․ Սակայն որպեսզի ուսանողները սկսեն օգտվել ձեզնից, նրանք պետք է իմանան ձեր մասին և ուզեն օգտվել։ Ինչպե՞ս եք հայտնի դառնալու ձեր թիրախային խմբի՝ ուսանողների համար։ Դուրս բերեք ցուցակ նրա, թե ինչ եք անելու։

    Ուսանողները քննարկում են 2-3 րոպե։

    Մարզիչը քննարկում է ուսանողների պատասխանները, կիսում ուղղորդումները։

    2․ Պատկերացրեք, որ փորձել եք տարբեր միջոցներ, բայց այս պահին չունեք տվյալներ, թե որն է ամենալավը աշխատել։ Դուք տվյալները ստանալու եք հաջորդ շաբաթ, բայց այս շաբաթ պետք է արագ որոշել, թե որ մեթոդն եք օգտագործելու այս առաջիկա օրերին։ Ինչպե՞ս կկայացնեք ձեր որոշումը։

  • Ուղղորդումներ
    1. Գովազդը մեծ դեր ունի

    • Սոցիալական մեդիա - ամենաէժան տարբերակը այսօր։ Կարող եք գտնել համախոհներ, որոնք ունեն արդեն շատ հետևորդներ և անել համատեղ գրառումներ։
    • Այլ բնապահպանական ծրագրերի, նախագծերի և հարթակների միջոցով ձեր մասին հանրությանը տեղեկացնել։
    • Influencer marketing - ելնելով ձեր բյուջեից
    • Գովազդ այնտեղ, որտեղ կան ձեր թիրախային խմբից մարդիկ, օրինակ՝ համալսարաններում
    • Զեղչեր թիրախային խմբի համար
    • Ֆիզիկական գովազդ - ռեստորանների դռներին կարող են լինել ստիկերներ, որ սնունդն ավելի էժան է ժամը 6-ից հետո
    • Առցանց վաճառքի պլատֆորմով - App Store/Google Play կամ Google Ads
    • «Բերանի խոսք» (word of mouth)

    ՀՀ-ում գովազդները թերի են և շատ դեպքերում՝ ոչ պրոֆեսորնալ։ Ուսումնասիրելիս կարող եք կենտրոնանալ միջացգային գովազդների վրա (Cannes Lions, Clio Awards, etc)։

    2․ Հայկը լավ խորհուրդ ունի նման իրավիճակների համար։ Անորոշ իրավիճակում, եթե դուք սպասում եք տվյալների և չեք կարողանում որոշում կայացնել, և դա կրկնվում է նորից ու նորից, դա կարող է առաջացնել հոգնածություն և անօգնականության զգացողություն։ Դրա արդյունքում դուք ընդհանրապես կդադարեք որևէ բան անել: Ուստի, ինչպես ասել է Գարի Կասպարովը, Հայկը խորդուրդ է տալի կայացնում լավագույն որոշումը այդ պահի համար ձեր տրամաբանությունից և հայտընի տվյալներից ելնելով։

  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ ուրիշի փորձի վերլուծություն, թիրախային խմբերի ուսումնասիրություն և դուրս բերում, խմբերի թիրախավորում և թիրախներին հասնելու հաղորդակցության միջոցներ, գովազդային և մարքեթինգային պարզ հասկացություններ, որոշումներ կայացնելու հմտություն և այլն։
8. Քննարկում-Վարժություն
Թիրախավորվող հմտություններ
Բանակցություններ, հաղորդակցություն զգացումների միջոցով
Տևողություն՝ 8 րոպե
  • Առաջադրանքի ներկայացում
    Հիմա պատկերացրեք, որ դուք կիրառել եք որոշված գովազդային միջոցը, և շատ աճել եք։ Այս փուլում դուք փորձում եք պայմանավորվել նոր ռեստորանների և սրճարանների հետ։

    Դուք գնացել եք բանակցությունների մի շատ մեծ ռեստորանների ցանցի հետ, որը ձեզ համար շատ կարևոր է։ Եթե կարողանաք նրանց հետ պայմանավորվել, դա կօգնի ձեզ շատ արագ աճել շուկայում։ Սակայն բանակցությունների ընթացքում դժվարություններ են առաջացել։ Դուք փորձել եք տրամանբանորեն բացատրել ձեր առաջարկը ռեստորանին, բայց նրանք հետաքրքրված չեն։ Ի՞նչ կանեք այս իրավիճակում։

    Ուսանողները կիսում են իրենց կարծիքները 2-3 րոպե, ապա մարզիչը քննարկում է ուղղորդումները։
  • Ուղղորդումներ
    Դժվար բանակցությունները միշտ առաջանում են աճի ընթացքում, և եթե կա կոնֆլիկտ կամ կողմերը միմյանց չեն հասկանում, տրամաբանությամբ բացատրելը չի աշխատում, քանի որ կողմերը ավելի էմոցիոնալ են և ուղեղը առաջնային դաշտում չէ։ Պետք է փորձեք խոսել զգացմունքներով և անկեղծությամբ։

    Փորձեք հասկանալ ՝ ինչու չեն լսում ձեզ, ապա սկսեք օգտագործել իրենց զգացումները անկեղծ կապ ստեղծելու համար։

    Հնարավոր է, որ օրվա ավարտ է և նրանք հոգնած են։ Կարող եք հարգալից լինել և ասել, որ հասկանում եք, որ նրանք շատ դժվար ու կարևոր գործ են անում, և հավանաբար դժվար օր են ունեցել։ Առաջարկեք հանդիպել այլ օր։ Այս անկեղծ ու հարգանքով լի քայլը հաստատ կգնահատի՝ ճիշտ հաղորդակցության դեպքում։


  • Հարց-Ամփոփում
    Եկեք պատասխանենք երկու կարճ հարցի՝
    - Ի՞նչ սովորեցիք այս քննարկում-վարժությունից։
    - Ինչպե՞ս կարող եք այն օգտագործել ձեր կյանքում։


    Ուղղորդում՝ հաղորդակցություն զգացումների վրա հիմնված, դիմացինին հասկանալ և կապ հաստատել ըստ դրա, և այլն։
Close
Կատարել նշում