Սա այս մոդուլի վերջին ընթերցանությունն է: Այստեղ դու պետք է կատարես միայն 1 վարժություն՝ ներկայացնես քո նախագծի գաղափարը:

Այստեղ մենք իսկապես ցանկանում ենք, որ դու մեզ մանրամասն բացատրես այն խնդրի մասին, որը ցանկանում ես լուծել քո նախագծի միջոցով:

Դա անելու լավագույն միջոցն է.

• պատկերացրու, որ դու դա ասում ես մի մարդու, ով երբեք չի եղել քո քաղաքում և չի լսել այդ խնդիրների մասին
• եղիր հնարավորինս կոնկրետ
• ընդգծիր, թե ինչու է դա համայնքի համար խնդիր, ինչպես է դա ազդում թիրախային խմբի վրա
• ավելացրու թվեր/վիճակագրական մանրամասներ, եթե այդպիսիք կան
• բեր օրինակներ, անձնական փորձ

Կարճ, մեկ նախադասությամբ պատասխանը չի նկարագրում քո նախագիծը:
Հիշի՛ր՝ դու շատ լավ ես ճանաչում քո նախագիծը: Բայց այն մարդը, ում դու պատմում ես, դրա մասին գաղափար չունի:

«Ես գյուղատնտեսությամբ կզբաղվեմ» կամ «բանջարեղեն կաճեցնեմ» ասելու փոխարեն փորձիր հնարավորինս կոնկրետ լինել և ասել, թե կոնկրետ ինչ ես նախատեսում անել: Օրինակ՝ «ես հետազոտություն եմ արել և սովորել պերմակուլտուրայի մասին: Ուզում եմ սկսել մրգեր և բանջարեղեն աճեցնել՝ օգտագործելով պերմակուլտուրայի մոտեցումը իմ տան մոտ գտնվող հողատարածքում: Ես կունենամ բանջարեղեն, պտղատու ծառեր, հատապտուղներ և հավեր։ Ամբողջ բերքը շուկայում կվաճառվի տեղացիներին...»:

Դա անելու լավագույն միջոցն է.

• ներառիր մանրամասներ այն մասին, թե կոնկրետ ինչ ես նախատեսում անել, որտեղ, երբ և ինչպես
• գրիր այն հիմնական քայլերը, որոնք անելու ես

Միշտ հիշիր. ինչ-որ փուլում պետք է լինելու համոզել մարդկանց օգնել քեզ, տալ քեզ գումար, կիսվել փորձով, իրենց ժամանակն ու ռեսուրսները նվիրել քո գաղափարին:

Նրանք պետք է հավատան, որ հենց դու ես լավագույն մարդը, ով կարող է լուծել խնդիրը: Եվ դրա համար իսկապես պետք է բոլորին համոզել։

Այդ իսկ պատճառով խորհուրդ ենք տալիս շեշտել քո բոլոր լավ կողմերը, հնարավորությունները, փորձն ու հմտությունները:

Մի ասա, որ կարող ես լուծել հարցը, քանի որ միայն դու ես այդ խնդրով հետաքրքրված: Թեև մենք քո զգացմունքները հասկանում ենք, ավելի լավ է ներառել նաև ապացույցներ և համապատասխան փորձ:

Դա անելու լավագույն միջոցն է.

• ներառել այդ թեմայով քո կատարած բոլոր հետազոտություններն ու ընթերցումները (եթե այդպիսիք եղել են)
• փորձել հիշել բոլոր այն իրադարձությունները/վեբինարները/սեմինարները, որոնց մասնակցել ես: Նույնիսկ եթե չկա, կարող ես ասել, որ ավարտել ես Climate Uturn ծրագիրը և ընդգծել այն, ինչ սովորել ես այդ ըթացքում:
• հիշել այն ամենը, ինչ արել ես քո կյանքի ընթացքում (միջոցառումներ, դպրոցական նախագծեր, հոբբիներ և այլն): Գրիր ամբողջ համապատասխան փորձը, որը ունես ուղղակիորեն և անուղղակիորեն կապված քո նախագծի հետ: Օրինակ՝ դու միջոցառումներ ես կազմակերպել դպրոցում և ղեկավարել ես թիմ: Սրանք հիանալի որակներ են ապացուցելու, որ քո նախագծի համար դու արդեն ունես կազմակերպչական, առաջնորդական և թիմային աշխատանքի հմտություններ:

Նպատակներ դնելիս հիանալի է ստացվում, երբ սահմանում ես որոշակի ժամկետներ և չափելի արդյունք այդ ժամանակահատվածի համար: Այդ կերպ քեզ համար շատ ավելի հեշտ կլինի տեսնել՝ նախագիծը հաջողվել է, թե ոչ:

Օրինակ՝ «Ես կզգամ, որ դա ինձ հաջողվել է, երբ ամեն ամիս թարմ բանջարեղեն և միրգ (ընդհանուր 500 կգ) տրամադրեմ իմ տարածաշրջանի 10 մթերային խանութի»‎:

Քո թիմը կարող է բաղկացած լինել մարդկանցից, ովքեր կարող են օգնել քեզ կատարել որոշակի առաջադրանքներ:

Դու կարող ես օգնություն խնդրել ընտանիքից, ընկերներից, դասընկերներից, դպրոցի ուսուցիչներից: Կարող ես գտնել փորձագետներ և աշխատողներ: Յուրաքանչյուր ոք, ով ներգրավված կլինի նախագծի մեջ, պետք է ներառվի այս ցանկում:

Շատ հաճախ երեխաները գրում են իրենց ծնողներին և ընկերներին: Բայց նրանք չեն մտածում, թե կոնկրետ ինչպես կարող են օգնել իրենց այդ մարդիկ։

Մայրիկը միշտ թիմի լավագույն անդամն է: Փորձիր մանրամասնել նրա հմտությունները: Այսպիսով, երբ ստեղծում ես քո թիմի անդամների ցուցակը, միշտ մտածիր այդ մարդկանց հմտությունների և փորձի մասին, որոնք կարող են օգտակար լինել որոշակի գործընթացի համար:

Դուրս գրիր բոլոր այդ մարդկանց և նրանցից յուրաքանչյուրի համար գրիր իրենց դերերը: Կոնկրետ ինչպե՞ս նրանք կօգնեն քեզ:

Սա նույնպես շատ կարևոր մասն է։ Այստեղ դու պետ է մանրակրկիտ մտածես բոլոր գործողությունների մասին, որոնք պետք է իրագործվեն նախագիծը կյանքի կոչելու համար: Հենց ամենասկզբից։ Մտածեիր, թե որն է լինելու քո առաջին քայլը: Շատ դեպքերում երեխաները մոռանում են, որ պետք է ներառել նաև ֆինանսավորում գտնելու կետը: Ֆինանսավորումը սովորաբար առաջին քայլերից մեկն է:

Փորձիր հակառակ պլանավորման մեթոդը, ինչպես մենք քննարկել ենք մեր նախորդ հանդիպումների ժամանակ: Այնուհետեւ գրիր բոլոր առաջադրանքները, որոնք պետք է կատարվեն: Դրանից հետո ավելացրու յուրաքանչյուր առաջադրանքի վերջնաժամկետները և պատասխանատու անձանց, եթե այդպիսիք կան:

Օրինակ՝
Առաջադրանք 1 - գտնել 500 հազար դրամ - 1 ամիս (իմ ընկեր Դավիթը)
Եթե այս պահին չգիտես, թե որքան գումար է քեզ հարկավոր, նորմալ է: Կարող ես բաց թողնել այդ հատվածը:

Օրինակ՝
Առաջադրանք 1 - փող գտնել ծառերի համար - 1 ամիս

Այստեղ մենք խնդրում ենք քեզ գրել այն ամենը, ինչի վրա գումար ես ծախսելու: Մտածեիր ԲՈԼՈՐ ծախսերի մասին՝ ներառյալ աշխատավարձերը, տրանսպորտը և այլն։

Եթե արդեն ուսումնասիրել ես և գիտես գները, հոյակապ է, կարող ես դրանք էլ գրել և հաշվարկել գումարը։ Եթե ոչ, նորմալ է: Դու կարող ես պարզապես բաց թողնել գնային մասը:

Եվ վերջապես, արի տեսնենք, թե ինչպես ես նախատեսում գտնել քո նախագծի համար անհրաժեշտ գումարը:

Մենք արդեն ասել ենք. մինչև կայուն, կանոնավոր եկամուտ չունենաս, բանկից վարկ մի վերցրու։

Փոխարենը, կան շատ այլ, ավելի հարմար այլընտրանքներ, ինչպիսիք են դրամահավաքը, դրամաշնորհները, մասնավոր դոնորները և այլն: Փորիր ավելի կրեատիվ մտածել:

Քո նախագծի ոլորտին մոտ հիմնադրամներ փնտրելը լավ է: Բայց դու կարող ես նաև փորձել փնտրել նրանց, ովքեր կապված չեն թեմայի հետ, բայց աջակցում են քո նման մարդկանց:

Օրինակ՝ հիմնադրամներ, որոնք աջակցում են որոշակի տարածաշրջանի աղջիկներին/մարդկանց/ որոշակի տարածաշրջանի երիտասարդներին և այլն: