Քննարկում 8։ Պերմակուլտուրային Փիլիսոփայություն և Քարտեզագրում
Էջը անհրաժեշտ նյութերի և առաջադրանքների
պանակ-ուղեցույցն է պերմակուլտուրայի ութերորդ
քննարկում-հանդիպման համար
Հիշեցում
Քննարկումները տևում են 75 րոպե։ Եթե քննարկումը ձգձգվում է, ապա մարզիչը փորձում է ավարտել քննարկում-վարժությունը, որը սկսել են, և միաժամանակ հանդիպումը տանել ամփոփման կետի։

Քննարկումները դասավորված են ըստ կարևորության հերթականության, այսինքն՝ վերջին քննարկումների կարևորությունն ավելի ցածր է և նրանք չհասցնելու դեպքում որակային վնասները շատ չեն։

Մուտք
Սկսեք քննարկումը հարցնելով ուսանողներին, թե ինչը իրենց հետաքրքրեց կամ զարմացրեց ընթերցանյութում և թե ինչ հիմնական եզրակացություններ կարելի է անել կարդալուց հետո։ Երբ պատասխաններ չեն հնչում, մարզիչը կարող է տալ ուղղորդող հարցեր նաև ըստ անհրաժեշտության՝ կիսվել ուսանողի հետ սեփական մտքերով։
Ապա անցնել այն հարցերի քննարկմանը, որոնք ուսանողները նախօրոք ուղարկել են։

Եթե հարցեր չկան, մարզիչը կիսում է էկրանը և ցույց տալիս երեք հարց ընթերացնյութի մասին, և կարդալով, սպասում ուսանողների պատասխանին։
ՀԱՐՑ 1: Ո՞րը պերմակուլտուրայի սկզբունք չէ։
  1. Զննիր և հարաբերիր
  2. Արտադրանքի ստացում
  3. Վերամշակիր բոլոր թափոնները
  4. Նախագծիր օրինաչափություններից մինչև դետալներ
ՀԱՐՑ 2: Ո՞րը պերմակուլտուրայում կիրառվող քարտեզ չէ։
  1. Բազային
  2. Լանդշաֆտային
  3. Գոտիների
  4. Սեկտորային
ՀԱՐՑ 3: Պերմակուլտուրայի գիտելիքն ու հմտությունները օգտակար կլինեն՝
  1. Ճարտարապետության և ինջեներայի մեջ
  2. Լուսանկարչության և գրաֆիկ դիզայնի մեջ
  3. Գյուղատնտեսություն և բիզնեսի մեջ
  4. Նշված բոլոր տարբերակներում
Ճիշտ պատասխաններ՝
  • Հարց 1 - պատասխան 3
  • Հարց 2 - պատասխան 2
  • Հարց 3 - պատասխան 4

Քննարկման հիմնական երեք մտքերն են․

1․ Պերմակուլտուրայի 12 սկզբունքները արդյունավետ գործիքներ են ոչ միայն գյուղատնտեսության համար, այլև առօրյա կյանքում և այլ մասնագիտական ոլորտներում։
2․Պերմակուլտուրային նախագծումը զարգացնում է հմտություններ, որոնք կիրառելի են ցանկացած ոլորտում և պերմակուլտուրիստին աշխատանքային շուկայում դարձնում են մրցունակ։
3․ Ոչ բոլոր էկոլոգիապես կայուն համարվող արտադրանքները, ծառայություններն ու ապրելաձևերն են անպայմանորեն համապատասխանում պերմակուլտուրայի ստանդարտներին և սկզբունքներին։

Պերմակուլտուրայի քարտեզագրման մեջ շատ կարևոր է հաշվի առնել բոլոր գործոնները՝ դետալները, սեկտորները, գոտիները, թեքությունը։
Նախավարժանք
Նպատակը երեխաներին ակտիվացնելն ու պատրաստելն է հիմնական քննարկմանը։
  • Հարց
    Այսօր խորապես ուսումնասիրելու ենք պերմակուլտուրայի սկզբունքները, էթիկան ու փիլիսոփայությունը, ինչպես նաև քարտեզագրումը։ Եկեք սկսենք ամենասկզբից։ Ձեզ ցույց կտամ նկարներ, որոնք ինչ-որ գործողություն կամ արտադրանք են պատկերում։ Ձեր նպատակն է որոշել՝ դրանք պերմակուլտուրային համապատասխան են, թե ոչ։ Եթե այո, ո՞ր պերմակուլտուրային սկզբունքն է առավել ցայտուն արտահայտված։
    00
  • Պատասխան
    1- Այո՝ Օգտագործիր և գնահատիր բազմազանությունը
    2- Ոչ
    3- Ոչ
    4- Ոչ
    5- Այո` Առանձնացնելու փոխարեն ինտեգրիր
    6- Այո՝ Օգտագործիր և գնահատիր վերականգնվող ռեսուրսներն ու ծառայությունները
    7- Այո՝ Զննիր և հարաբերվիր և Նախագծիր օրինաչափություններից մինչև դետալներ
    8- Այո՝ Հավաքիր և կուտակիր էներգիա
    00
Տարբեր ազգությունների գիտնականներ համագործակցում են
լուծումներ գտնելու համար։
Ակվապոնիկան օգտագործում է պոմպեր, ֆիլտրներ, էներգիա։ Ակվապոնիկայի բարդ համակարգերը ինտենսիվ խնամք են պահանջում։
Հողի հերկում
Խոզաբուծություն՝ ըստ արդյունաբերական արտադրության պահանջների
Green Mountain Power ընկերությունը իր էլեկտրաէներգիան ստանում է արևի և քամու էներգիայից։
Organic Valley-ն օրգանական սնունդ արտադրող ընկերություն է, որը համագործակցում է տեղի ֆերմերների հետ՝ ձեռք բերելու անհրաժեշտ բաղադրիչները։
Սիմոն Ֆորտիի Huddle կոչվող պարի ժամանակ պարողները հենվում են միմյանց վրա և շարժվում են փակ <<ինքնաբավ>> օղակներով։
Տաշա Սեկոմբը լուսանկարիչ է, որը ուշադիր է դետալների նկատմամբ և հետաքրքիր կոմպոզիցիաներ է ստեղծում։
1․ Վարժություն-նախագծում
Թիրախավորվող հմտություններ
Քարտեզագրում
  • Առաջադրանքի ներկայացում
    Հիմա եկեք միավորենք ձեր գծագրերը և ստանանք մեկ վերջնական քարտեզ։
    Փոփոխություններն
    անենք ըստ մասերի՝

    Մաս 1: Բազային քարտեզ

    Ըստ նախօրոք ձևավորած քարտեզների միասին քննարկեք, թե ինչեր կցանկանաք ներառել։ Տարածքի սահմանները, դեպի հյուսիս ուղղությունը, շենքերի դիրքը, բնորոշ աղետները նույնն են։ Փորձեք կենտրոնանալ մյուս կոմպոնենտների վրա (նշված են Ուղղորդումներում)։

    Քննարկման համար ունեք 5-7 րոպե։

    Մաս 2: Գոտնիներ

    Ձեր տարածքի վրա վերանայեք գոտիները, կենտրոնանալով նրանց համապատասխան բույսերի վրա։

    Մարզիչը կարող է կիսվել գոտիների նկարագրություններով, որոնք նշված են Ուղղորդումներում    ։

    Ուսանողներն ունեն 5-7 րոպե ժամանակ գոտիները վերանայելու համար։










    Մաս 3: Սեկտորներ

    Ձեր քարտեզի վրա վերանայեք համապատասխան սեկտորները։

    Սեկտորները պետք է բոլորիդ մոտ նմանատիպ և/կամ նույնը լինեն։ Հիմա փորձեք համապատասխանեցնել դրանք միմյանց։
    Սեկտորները վերհիշելու համար մարզիչը կիսվում է նրանց հետո Ուղղորդումներով։

    Ուսանողներն ունեն 5 րոպե ժամանակ սետտորները վերջնականացնելու համար։










    Քննարկման վերջում ուսանողները ունեն ամբողջական քարտեզ իր բոլոր կոմպոնենտներով։ Մարզիչը կիսում է իր էկրանը և ցույց տալիս նույն տարածքի վրա այլ ամբողջական քարտեզի օրինակը, որը նաև կցված է ներքևում։
  • Ուղղորդումներ
    Ուսանողները պետք է վերջնականացնեն ներքևում նշված կետերը։

    Մաս 1: Բազային քարտեզ
    • Մուտքի և ելքի տեղադրությունը, տարածքով անցնող քայլելու ճանապարհները
    • Ջրի աղբյուրները
    • Կարևոր օբյեկտները (շենք, ջերմոց, արձան, պահեստ և այլն)
    • Առկա ծառերը և այլ բույսեր՝ ներառելով դրանց անունները
    • Raised Beds with Lids (տարաներ ջերմոցային կափարիչով)
    • Բիոգազի համակարգ (HomeBiogas)
    • Սննդային պահեստ
    • Գիլդիաներ
    • Հանգստի գոտի կամ այլ վայր (ըստ ցանկության)

    Մաս 2: Գոտնիներ

    • Գոտի 0 - Հիմնական շինություն
    • Գոտի 1 - Հաճախակի խնամք պահանջող մեկամյա բույսեր՝ ամենամոտը հիմնական շինության մուտքերին և ելքերին (դիմացից և հետևից), հաճախ օգտագործվող քայլելու ճանապարհներին
    • Գոտի 2 - Փոքր կենդանիներ, մրգատու ծառեր, բույսեր՝ համեմատաբար հեռու հիմնական շինությունից, ավելի քիչ խնամք պահանջող, բայց ինտենսիվորեն օգտագործվող
    • Գոտի 5 - Խնամք կամ ուշադրություն չպահանջող տարածք՝ մարդիկ հազվադեպ են այցելում, ճանապարհ կառուցված չէ, որպիսի մարդիկ չխանգարել վայրի բնությանը

    Մաս 3: Սեկտորներ

    1. Ամռան և ձմռան կեսին արևի սեկտորը՝ արևի ծագելու և մայր մտնելու վայրերը տարբեր եղանակներին
    2. Գերակշռող քամու ուղղությունը՝ քամու՝ պերմակուլտուրային տարածք մուտքը
    3. Ջրհեղեղների կամ սառնամանիքների հակված տարածքները
    4. Հրդեհների վտանգ ունեցող տարածքները
    5. Տարածքից լավ և վատ տեսարանների ուղղությունները
    6. Այլ գործոններն ու դրանց մուտքի ուղղությունները, օրինակ՝ աղտոտում, անցորդներ, աղմուկ, վառ լույսեր, հոտեր և այլն
    7. Հարևանները և հնարավոր խնդիրները, որոնք ծագում են իրենց տարածքի
    8. Անձրևաջրի հավաքման հնարավորությունները՝ տանիքների մակերեսներ
  • Առանցքային կետեր

    1. Ուսանողը ստեղծում է պարզ քարտեզ՝ ըստ պերմակուլտուրայի մասին նախնական պատկերացման։

    2․ Մարզիչը վստահեցնում է, որ բոլոր ուսանողները ուղարկել են իրենց քարտեզները զրուցարանում կամ տրամադրել առանձին։


2. Քննարկում-Վարժություն
Թիրախավորվող հմտություններ
Ստեղծարար մտածողություն, քննադատական մտածողություն
  • Առաջադրանքի ներկայացում
    Եկեք այժմ անցնենք ընդհանուր պերմակուլտուրայի սկզբուներին և քննենք յուրաքանչյուրը առանձին։ Յուրաքանչյուրդ վերցրեք պերմակուլտուրայի 3 սկզբունք և մտածեք հետևյալ հարցերի շուրջ․

    ա․ Ինչու՞ է այս սկզբունքը կարևորվում։
    բ․ Ինչպե՞ս է այս սկզբունքը օգտագործվում կյանքում՝ մարդկային հարաբերություններում, առօրյա գործողություններում և այլն։
  • Ուղղորդումներ

    Հարց Ա-ի նպատակն է օգնել ուսանողներին հասկանալ սկզբունքի կարևորությունը էկոլոգիապես կայունության տեսանկյունից։

    Հարց Բ-ի նպատակն է դրդել ուսանողին սկզբունքի օգտագործումը գտնել էկո կայունության կոնտեքստից դուրս, կյանքի այլ ոլորտներում։
  • Առանցքային կետեր

    1. Ուսանողները խորը և միջոլորտային պատկերացում են ձեռք բերում պերմակուլտուրայի սկզբունքների մասին։

    2․ Ուսանողները գիտակցում են, որ պերամակուլտուրան միայն գյուղատնտեսության մասին չէ։

    3․ Ըստ անհրաժեշտության՝ մարզիչը առանձնացնում է խմբի թերացման ոլորտները, որոնք առավել բարելավման կարիք ունեն։
  • Հարց
    Ինչպես արդեն հասկացանք, պերմակուլտուրան կիրառում են ոչ միայն գյուղատնտեսության մեջ։ Այժմ առաջարկում եմ յուրաքանչյուրիդ առանձնացնել մեկ հոբբի կամ հետաքրքրող մասնագիտական/առարկայական թեմա և մտածել թե 12 սկզբունքներից, որոնք են օգտագործվում ձեր ընտրած ոլորտում։
    01
  • Պատասխան
    Ճիշտ պատասխան չկա։ Ուսանողները նախ ներկայացնում են հոբբին/առարկան, ապա մեկնաբանում, թե ինչպես է այն կապվում 12 սկզբունքներին։
    Մարզիչը ուսանողներին ոգևորելու համար պատմում է <<պերմակուլտուրայի օգտագործումը տարբեր ոլորտներում>> նյութում ամփոփված պատմությունները։
    01
Պերմակուլտուրայի օգտագործումը տարբեր ոլորտներում
Պերմակուլտուրան զարգացնում է փափուկ հմտություններ, ինչպիսին են ստեղծարար, նորարարական, քննադատական մտածողությունը, թիմային աշխատանքը, ժամանակի կառավարումը, հաղորդակցությունը, ապրումակցումը և այլն։

Ավելին, պերմակուլտուրայի հիմքում ընկած սկզբունքները կիրառելի են բոլոր ոլորտներում։

Ակնաբուժություն։ Պերմակուլտուրայի մասին քննարկման ժամանակ ակնաբույժ Թրոյ Ռոդսը պատմում էր, որ նա պերմակուլտուրայի սկզբունքները կիրառում է դիագնոստիկայի և հիվանդների հետ հաղորդակցության ժամանակ։
Գիտություն։ Նմանատիպ պատմություններ են պատմում նաև գիտնականները։ Նրանք օգտագործում են պերմակուլտուրայի սկզբունքները, որպեսզի կարողանան մարդկանց հուզող խնդիրներին գտնել արդյունավետ լուծումներ։ Պերմակուլտուրան տարածված է էկոլոգիայի, բուսաբանության, աշխարհագրության, հիդրոլոգիայի, կենսաքիմիայի, ֆիզիկայի ու այլ գիտական ոլորտներում։
Տեխնոլոգիաներ։ Պերմակուլտուրան աշխատանքներ է ստեղծում նաև բարձր տեխնոլոգիաների ոլորտում։ Ջոշուա Փենդլեթոնի թիմը ստեղծում է ծրագիր, որը օգտագործել դրոններ, կառուցում է ցանկացած հողատարածքի չափի և բարձրության տեղագրական 3D քարտեզներ։
Բժշկություն։ Իսկ Ջեֆրի Օսմինը բժիշկ է, որը իր մասնագիտական հաջողության հիմքում տեսնում է պերմակուլտուրային սկզբունքները։ Ջեֆրին հատկապես կարևորում է իրավիճակին հատուկ ինդիվիդուալ որոշումների ընդունումը և թափանցիկությունը։
Բիզնես։ Զուգահեռները շատ են նաև բիզնեսի ոլորտում։ Բիզնես արտադրանքի ելքը բարձրացնելու համար մասնագետները նույնպես որդեգրում են պերմակուլտուրայի սկզբունքները։



3. Քննարկում-Վարժություն
Թիրախավորվող հմտություններ
Ստեղծարար մտածողություն, համագործակցություն, խնդիրների լուծում
  • Առաջադրանքի ներկայացում
    Ձեր նախագիծը իրականացնելու համար դուք կունենաք տարբեր ռեսուրսների կարիք։ Դրանց մեջ են մտնում ֆինանսական ռեսուրսները, նախագծի ներկայացումն ու մասնագետների և հասարակության հետ կապերի հաստատումը։

    Այսօր առաջարկում եմ սկսել մտածել այս ռեսուրսների հայթայթման ճանապարհների մասին։ Եկեք բաժանվենք երկու խմբի։

    Առաջին խումբը կմտածի ֆինանսական ռեսուրսների հավաքման մասին, իսկ երկրորդը՝ նախագծի մասին իրազեկման բարձրացման համար սոցիալական հարթակների օգտագործման ուղղությամբ։ Յուրաքանչյուր խումբ գիտի իրեն հանձնարարված խնդիրը, սակայն ինչպե՞ս եք պատրաստվում լուծումներ գտնել։
  • Ուղղորդումներ

    1․ Ուսանողներին ուղղորդելու համար մարզիչը ուսանողներին է առաջարկում համոզմունքների վերափոխման և մտածելու 6 գլխարկների մեթոդները։

    2․ Որպես ոգեշնչման աղբյուր՝ մարզիչը քննարկման ընթացքում պատմում է սոցիալական հարթակների օգտագործման և այծերի զանգի համար վարձակալման պատմությունները։
    Մարզիչը հորդորում է ուսանողներին մտածել ներկայացված պատմությունների մասին և դրանք ադապտացնել սեփական իրավիճակի համար։
  • Առանցքային կետեր

    1․ Ուսանողները օգտագործում են ներկայացվող գործիքները առաջադրված խնդրին լուծումներ գտնելու համար։

    2․ Ըստ անհրաժեշտության՝ մարզիչը առանձնացնում է խմբի թերացման ոլորտները, որոնք առավել բարելավման կարիք ունեն։
Հավատալիքների վերաձևակերպում և վերափոխում

Վարժության նպատակն է օգնել ուսանողին վերափոխել այն համոզմունքները, որը սահմանափակում և խանգարում են։ Նկարագրվող մեթոդի միջոցով ուսանողը հաղթահարում է համոզմունքը՝ բաց դառնալով նոր հնարավորությունների։

Քայլ 1 - Գտնել և ձևակերպել խորը համոզմունք, որը խանգարում է առաջ շարժվել։ Մտքում պատկերացնել մի սենյակ և համոզմունքը տեղադրել սենյակի կենտրոնում։
Քայլ 2 - Ձևակերպել 4 պնդումներ, որոնք աջակցում են հավատալիքին և դնել դրանք սենյակի 4 անկյուններում։ Դուրս գալ սենյակից։
Քայլ 3 - Յուրաքանչյուր աջակցող պնդման համար ձևակերպել պնդմանը հակառակ 4-5 նոր պնդում։ Նախնական հակառակ պնդումները պարզապես կարող են ժխտել աջակցող միտքը։ Ժխտող պնդումները զարգացնել ու հասցնել ծայրահեղ հակազդող մտքերի։ Պարտադիր չէ, որ դրանք ամբողջապես տրամաբանության սահմաններում լինեն։
Քայլ 4 - Վերադառնալ սենյակ։ Յուրաքանչյուր աջակցող պնդման համար ընտրել հակազդող մտքերից լավագույնը և 4 անկյուններում դրված աջակցող պնդումները փոխարինել հակազդող պնդումներով։
Քայլ 5 - Ձևակերպել հավատալիք, համոզմունք, որը հիմնված է 4 նոր պնդումների վրա և հաստատում է դրանց ճշմարտացիությունը։ Հեռացնել նախնական հավատալիքը և նոր համոզմունքը տեղադրել սենյակի կենտրոնում։
Քայլ 6 - Հիմնվելով դրական համոզմունքի և չորս պնդումների վրա՝ առաջացած խնդրի համար գտնել նոր լուծումներ։
Մտածելու 6 գլխարկները

Վարժության նպատակն է օգնել ուսանողին բարդ, անլուծելի թվացող խնդիրը դիտարկել տարբեր տեսանկյուններից և բաժանել այն հաղթահարելի մասերի։ Յուրաքանչյուր գլխարկը դնելիս ուսանողը պետք է ձևակերպի հարցեր,որոնք կօգնեն խնդիրը քննել համապատասխան կողմից։

Սպիտակ գլխարկ - Մտածել միայն տվյալների, ինֆորմացիայի մասին։ Նախ համակարգել այն տվյալները, տեղեկույթը, որը հայտնի է խնդրի մասին, իսկ հետո ձևակերպել և համակարգել այն ինֆորմացիան, որը անհրաժեշտ է ձեռք բերել, սակայն դեռևս հասանելի չէ։
Սև գլխարկ - Մտածել միայն դժվարությունների, հնարավոր խոչընդոտների մասին։ Ինչու՞ որևէ լուծում կարող է չաշխատել։
Կարմիր գլխարկ - Կենտրոնանալ միայն զգացմունքների, սրտի ձայնի, ինտուիցիայի վրա։ Խնդիրը էմոցիոնալ շերտը դիտարկել ներգրավված տարբերի խմբերի տեսանկյուններից։
Դեղին գլխարկ - Կենտրոնանալ միայն արժեքների և ապագա բարիքների վրա։ Ի՞նչն է ճիշտ ընթանում։ Ինչու՞ որևէ լուծում կարող է աշխատել։
Կանաչ գլխարկ - Կենտրոնանալ միայն ստեղծարարության վրա։ Ի՞նչ հնարավորություններ, այլընտրանքներ, լուծումներ և նոր գաղափարներ կան։
Կապույտ գլխարկ - Կենտրոնանալ միայն ընթացքի կազմակերպման և ղեկավարման վրա։ Որո՞նք կարող են լինել հաջորդ քայլերը, ի՞նչ վերջնաժամկետներ կան, հնարավո՞ր է հետագա գործողությունների պլան կազմել։
Հարց-Ամփոփում
Եկեք պատասխանենք երկու կարճ հարցի՝
- Ի՞նչ սովորեցիք այս քննարկում-վարժությունից։
- Ինչպե՞ս կարող եք այն օգտագործել ձեր կյանքում։

Ուղղորդում՝ իրավիճակներին մոտենալ տարբեր տեսանկյուններից, և այլն
Սոցիալական հարթակների օգտագործումը ճանաչելիության բարձրացման համար
Այժմ շատ պերմակուլտուրիստներ պատմում են իրենց գործունեության մասին սոցիալական հարթակներում։ Այսպես նրանք ստեղծում են ուսուցողական բայց միաժամանակ զվարճալի և հետաքրքիր տեսանյութեր և նկարներ։ Հարթակը պերմակուլտուրիստների համար ապահովում է աշխատանքի տեսանելիություն, ինչը ստեղծում է նոր հնարավորություններ ու համագործակցություններ։ Հաճախ օգտագործվող հարթակներն են TikTok-ն ու Instagram-ը։ Ահա մի քանի օրինակ։


Կենդանիները՝ օնլայն հանդիպումները հետաքրքրացնելու միջոց։

Այծ պահողները ստեղծել են եկամտի նոր ու հետաքրքիր աղբյուր։ Գաղափարը աշխատում է, քանի որ լուծում է տալիս օնլայն երկարատև ու անհետաքրքիր հանդիպումների խնդրին՝ ճիշտ օգտագործելով առկա ռեսուրսները։ Այսպես դուք կարող եք 5 ֆունտ ստերլինգ վճարել, և նախաձեռնության այծերից մեկը կմիանա ձեր օնլայն զանգին։ Մարդիկ անգամ հնավարություն ունեն նախօրոք ծանոթանալ այծերից յուրաքանչյուրին և կատարել ընտրություն։
  • Հարց
    Պերմակուլտուրայի փիլիսոփայության հիմքում բնության հետ համագործակցելն ու բնությունից սովորելն է։ Սա նոր բացահայտում չէ մարդկության համար։ Շատ հայտնագործություններ արվել են հիմնվելով այս փիլիսոփայության վրա։ Ի՞նչ հայտնագործությունների եք ծանոթ, որոնք ոգեշնչված, ստեղծված են բնությունից։
    02
  • Պատասխան
    Բնությունից ոգեշնչված հայտանգործություններից են․

    Ինքնաթիռ՝ ոգեշնչված թռչունների թռիչքից
    Արևային պանելներ՝ ոգեշնչված բույսերի կողմից իրականացվող ֆոտոսինթեզից
    Հողմաշարժիչ՝ ոգեշնչված քամու ժամանակ ծառերի շարժից
    Էխոլոկացիայիով աշխատող սարքեր՝ ոգեշնչված չղջիկների տարածքում կողմնորոշվելու մեթոդներից

    02
Մոդուլի ավարտ և մյուս մոդուլների ներկայացում
Մարզիչը յուրաքանչյուր ուսանողի տալիս է նախօրոք պատրաստած կարճ հետադարձ կապ՝ անդրադառնալով նրանց աճին ու ուժեղ կողմերին։ Օրինակ, ուսանողներից մեկի դեպքում ընդգծում է աճը փափուկ հմտությունների մեջ, մյուսի մեջ՝ թիմային աշխատանքը, հաջոդրում՝ կառավարման ու քարտեզագրման հմտությունները, և այլն։

Սա չպետք է լինի շատ երկար, սակայն պետք է անդրադառնա բոլոր ուսանողներին։

Մարզիչը ուսանողներից խնդրում է նշել երկու դրական ու մեկ բացասական կետ ծրագրի այս մոդուլի, մարզիչի մոտեցման, կայքի կառուցվածքի կամ այլ կրթական կոմպոնենտների մեջ։

Ապա մարզիչը բացատրում է Climate Uturn ծրագրի շրջանավարտների հնարավոր երեք ընտրությունները (մանրամասն բացատրված է ներքևում)։
  • Տարբերակ 1:
    Նախագծի վրա թիմային աշխատանք
    Ֆորմատ:
    Մասնակիցները կարող են միանալ հատուկ խմբերի, որտեղ կլինեն այլ շրջանավարների հետ, ովքեր անում են իրենց նախագիծը (եթե նրանք արդեն ինտեգրված չեն նման խմբում)։ Նրանք կունենան շաբաթական հանդիպումներ առանց մարզչի և միմյանց կօգնեն ու տեղյակ կպահեն իրենց նախագծերի զարգացման մասին։ Ամբողջական պլանավորումը և գրաֆիկը կախված է լինելու ուսանողներից, հետևաբար նրանք ունենա ազատություն և ճկունություն այս ֆորմատում։ Իհարկե մարզիչները և մեր թիմը պատրաստ է օգնել նրանց կարիքի դեպքում։
  • Տարբերակ 2:
    Գրանցվել այլ մոդուլի
    Ֆորմատ:
    Մասնակիցը կարող է մտնել մեր կայք և բացելով օրացույցը տեսնել՝ երբ են սկսվում Climate Uturn-ի մյուս մոդուլները, որը նա դեռ չի անցել։ Հարմար օր գտնելու դեպքում, մասնակիցը կարող է գրանցվել նոր մոդուլի և նշանակված օրը շարունակել իր ուսուցումը։
  • Տարբերակ 3:
    Վերցնել արձակուրդ)))
    Ֆորմատ:
    Մասնակիցը կարող է վերցնել ազատ ժամանակ, կապ պահել թիմի և մյուս շրջանավարտների հետ տելեգրամում և այլ հարթակնելում։ Քանի որ մեր մոդուլներն անընդհատ ավելանում են, մասնակիցը հնարավորություն ունի հետագայում նորից միանալ ծրագրին։