Քննարկում 3։ Թափոններ
Էջը անհրաժեշտ նյութերի և առաջադրանքների
պանակ-ուղեցույցն է պերմակուլտուրայի երրորդ
քննարկում-հանդիպման համար
Հիշեցում
Քննարկումները տևում են 75 րոպե։ Եթե քննարկումը ձգձգվում է, ապա մարզիչը փորձում է ավարտել քննարկում-վարժությունը, որը սկսել են, և միաժամանակ հանդիպումը տանել ամփոփման կետի։

Քննարկումները դասավորված են ըստ կարևորության հերթականության, այսինքն՝ վերջին քննարկումների կարևորությունն ավելի ցածր է և նրանք չհասցնելու դեպքում որակային վնասները շատ չեն։

Մուտք
Սկսեք քննարկումը հարցնելով ուսանողներին, թե ինչը իրենց հետաքրքրեց կամ զարմացրեց ընթերցանյութում և թե ինչ հիմնական եզրակացություններ կարելի է անել կարդալուց հետո։ Երբ պատասխաններ չեն հնչում, մարզիչը կարող է տալ ուղղորդող հարցեր նաև ըստ անհրաժեշտության՝ կիսվել ուսանողի հետ սեփական մտքերով։
Ապա անցնել այն հարցերի քննարկմանը, որոնք ուսանողները նախօրոք ուղարկել են։

Եթե հարցեր չկան, մարզիչը կիսում է էկրանը և ցույց տալիս երեք հարց ընթերացնյութի մասին, և կարդալով, սպասում ուսանողների պատասխանին։
ՀԱՐՑ 1: Ինչո՞վ է ափսայքլինգը (upcycling) տարբերվում վերամշակումից (recycling):
  1. Նկարագրում են նույն պրոցեսը, ուղղակի բառերը առաջացել են տարբեր լեզուներից։
  2. Ի տարբերություն վերամշակման՝ ափսայքլինգի ընթացքում նյութի որակը ընկնում է։
  3. Ի տարբերություն ափսայքլինգի՝ վերամշակման ընթացքում նյութի որակը ընկնում է։
  4. Ափսայքլինգը առողջության համար վտանգավոր պրոցես է, իսկ վերամշակումը՝ ոչ:
ՀԱՐՑ 2: Ո՞րն է Բոկաշի կոմպոստերի հիմնական առանձնահատկությունը։
  1. Օգտագործվում են կալիֆորնիական որդեր թափոնը վերմիկոմպոստի քայքայելու համար։
  2. Կարող է իրականացվել միայն բաց տարածություններում։
  3. Անաերոբ միջավայրում թափոնը ֆերմենտացվում է լակտոբացիլ բակտերիաների կողմից։
  4. Պահանջում է չափից շատ էլեկտրաէներգիա։
ՀԱՐՑ 3: Ո՞րն է Homebiogas համակարգերի հիմնական արգասիքը և որտե՞ղ կարող է այն օգտագործվել։
  1. Վերմիկոմպոստ, կարող է ավելացվել հողին
  2. Մուլչ, կարող է ավելացվել խորշերի մեջ
  3. Մեթան, կարող է օգտագործվել ջերմային էներգիայի տեսքով, օրինակ՝ խոհանոցում
  4. Ջուր, կարող է օգտագործվել այգիները ոռոգելու համար։
Ճիշտ պատասխաններ՝
  • Հարց 1 - պատասխան 3
  • Հարց 2 - պատասխան 3
  • Հարց 3 - պատասխան 3

Քննարկման հիմնական երեք մտքերն են․

1․ Եթե որևէ պրոցեսի արտադրանքը, վերջնարդյունքը վտանգավոր է կամ անհնարին է օգտագործել, այն արտադրելը լավ գաղափար չէ։
2․Մի պրոցեսի թափոնը կարող է հումք դառնալ մեկ այլ պրոցեսի համար՝ ստեղծելով նյութերի փակ շղթա։
3․ Թափոնների կառավարումը կարելի է կազմակերպել տարբեր պայմաններում և տարբեր ծավալների։ Թափոնների մշակման այժմյան համակարգերը բավարար ճկուն են տարբեր կարիքներ բավարարելու համար։
Նախավարժանք
Նպատակը երեխաներին ակտիվացնելն ու պատրաստելն է հիմնական քննարկմանը։
  • Հարց
    Ինչպես ընթերցանյութից արդեն հասկացել եք, օրգանական թափոնը կարելի է տարբեր ճանապարհներով կառավարել։ Այժմ պատկերացրեք, որ դուք ձեր քաղաքի/գյուղի քաղաքապետն/գյուղապետն եք։ Ընթերցանյութում ներկայացված մեթոդներից, ո՞րը կներդնեիք ողջ քաղաքում, ինչու՞։

    Եթե երեխաները չեն մտապահում որևէ տարբերակ, մարզիչը առաջարկում է տարբերակներ․

    ա․ օրգանական թափոնի վերածում պարարտանյութի
    բ․ օրգանական թափոնի վերածում բիոգազի
    գ․ օրգանական թափոնի այրում
    01
  • Պատասխան
    Ճիշտ պատասխան չկա, սակայն ուսանողները պետք է տան պատասխանը ելնելով իրենց համայնքի կարիքից։ Եթե շատ գյուղատնտեսական հող կա, ապա հավանաբար պարարտանյութի վերածումը ավելի լավ տարբերակ է, քանի բիոգազի վերածումը։
    01
1. Քննարկում-Վարժություն
Թիրախավորվող հմտություններ
Ստեղծարար մտածողություն, քննադատական մտածողություն
  • Առաջադրանքի ներկայացում
    Այժմ առաջարկում եմ ավելի խորապես հետազոտել օրգանական թափոնի կառավարման եղանակները և գնահատել դրանք՝ ըստ բնութագրիչների, որոնք շուտով կկիսեմ ձեզ հետ։
    Նախ սահմանեք առաջնահերթությունների համակարգ՝ տալով յուրաքանչյուր բնութագրիչին 0-5 կշիռ։ Օրինակ՝ թափոնների վերամշակման եղանակի անվտանգությունը բարձր կարևորություն ունի, հետևաբար կունենա x5 կշիռ։ Եկեք ընտրենք երկու բնութագրիչ և նույնը կատարենք դրանց համար։
    Ընտրված երկու եղանակների համար բնութագրիչները գնահատեք՝ օգտագործելով 0-10 միավորների սանդղակ։
    Վերջում հիմնվելով աղյուսակի արդյունքների վրա՝ նորից կքննարկենք, թե որն է լավագույն լուծումը։

    Եթե կարծում եք, որ չունեք բավարար տեղեկություն բնութագրիչը գնահատելու համար, կատարեք կարճ հետազոտություն Գուգլում։ Ի դեպ՝ գիտե՞ք ինչպես օգտվել գուգլից։

    Գնահատումը իրականացնելուց հետո

    Եթե ինքներդ ստեղծեիք գնահատման համակարգը, ի՞նչ այլ բնութագրիչներ կներառեիք հետազոտության մեջ։
  • Ուղղորդումներ

    Թերություններ

    Homebiogas
    - արտադրանքի ցածր ծավալ մեծ մասշտաբի արտադրության համար
    - բարձր գին
    -ցածր ճկունություն

    Բոկաշի
    - արտադրանքի ցածր ծավալ
    -բարձր գին
    - մարդկային ջանք՝ պարբերաբար բոկաշի միքսի ավելացում և ավելցուկ հեղուկի առանձնացում

    Լոմի
    -արտադրանքի ցածր ծավալ
    -բարձր գին + էլեկտրականության ծախս
    -մարդկային ջանք՝ պարբերաբար մաքրության կարիք, ֆիլտրների փոխարինում

    Համայնքային կոմպոստացում
    -մարդկանց ակտիվ մասնակցության կարիք
    -վնասատուների և հոտի վտանգ
    - պահանջվող երկար ժամանակ՝ կախված պայմաններից
    -ցածր ճկունություն





  • Առանցքային կետեր

    1. Մարզիչը երեխաներին սովորեցնում կամ հիշեցնում է Գուգլում որոնում կատարելու քայլերը, բացատրում աղբյուրների վստահելիությունը գնահատելու ճանապարհները։ Ըստ անհրաժեշտության՝ մարզիչը ուղղորդում է ուսանողներին անհրաժեշտ ինֆորմացիան գտնելու հարցում։

    2․ Ուսանողները կշիռներ սահմանելիս և բնութագրիչները գնահատելիս մեկնաբանում իրենց որոշումը։

    3․ Ուսանողների աշխատանքը քննարկելուց հետո մարզիչը ինքն է ներկայացնում և գնահատում մնացյալ 3 բնութագրիչները՝ առաջադրանքում նկարագրված սկզբունքին համաձայն։

    4․ Ըստ անհրաժեշտության՝ մարզիչը առանձնացնում է խմբի թերացման ոլորտները, որոնք առավել բարելավման կարիք ունեն։
Բնութագրիչ*
Վերածում Բիոգազի (HomeBiogas համակարգ)
Բոկաշի կոմպոստացում
Լոմի
Համայնքային կոմպոստացում
Պահանջվող ժամանակ (2-5)
Մարդուց պահանջվող ջանք (2)
Արտադրանքի ծավալ (2)
Անհրաժեշտ ֆինանսական ռեսուրսներ (3.5-4)
Անվտանգություն (5)
**Համակարգի ճկունություն (3-4)
Բնութագրիչ*
Վերածում Բիոգազի (HomeBiogas համակարգ)
Բոկաշի կոմպոստացում
Լոմի
Համայնքային կոմպոստացում
Պահանջվող ժամանակ
1 ժամից մինչև 3 շաբաթ (արդյունաբերական մասշտաբի արտադրություն)
2 շաբաթ (ընթերցանություն 3)
մի քանի ժամ
2 շաբաթ (ընթերցանություն 3) , կարող է ավելի երկար ժամանակ տևել կախված պայմաններից
Մարդուց պահանջվող ջանք
գրեթե ոչ մի ջանք, քանի որ միակ բանը, որ սեփականատերերը պետք է անեն, ֆիլտրի փոփոխությունն է ամիսը մեկ՝ համաձայն համակարգի չափի
պարբերաբար բոկաշի միքսի ավելացում և ավելցուկ հեղուկի առանձնացում
պարբերաբար մաքրության կարիք, ֆիլտրների փոխարինում
մարդկանց ակտիվ մասնակցության կարիք
Արտադրանքի ծավալ
Ամենափոքր համակարգը՝ HomeBiogas 2-ն օրական արտադրում է մինչև 600լ կենսագազ, ինչը հավասար է մեկ վառարանի վրա երկու ժամ եփելուն։

արտադրանքի ցածր ծավալ մեծ մասշտաբի արտադրության համար
արտադրանքի ցածր ծավալ
արտադրանքի ցածր ծավալ
Անհրաժեշտ ֆինանսական ռեսուրսներ
բարձր գին
բարձր գին
բարձր գին + էլեկտրականության ծախս
ցածր գին
Անվտանգություն
ըստ HomwBiogas-ի անվտանգ է, բայց կա հավանականություն ակնթարթային բռնկման
Անվտանգություն
Անվտանգություն
Անվտանգություն
**Համակարգի ճկունություն
ցածր ճկունություն, քանի որ հատուկ պայմաններում պետք է տեղադրվի
համեմատաբար ճկուն, նույնիսկ կարող միս և կաթնամթերք լցնել

համեմատաբար ճկուն, նույնիսկ բիդեգրադացվող պլաստիկը կարող ես նետել
ցածր ճկունություն, չես կարող միս և կաթնամթերք լցնել
* Այսուհետ, աղյուսակները, նկարները, դիագրամները և այն մեդիա ֆայլերը, որոնք կարող են օգնել ուսանողներին, պետք է նրանց տրամադրել նաև չաթերում։

**Արդյոք համակարգը կարող է արդյունավետ կիրառվել տարբեր պայմաններում, միջավայրերում ԿԱՄ արդյոք համակարգը կարողանում է մշակել տարատեսակ օրգանական սնունդի մնացորդներ
Ինչպես որոնում կատարել Google-ում
  1. Բրաուզերում մտնել https://google.com

  2. Մեկ այլ պատուհանում բացել https://translate.google.com/

  3. Ըստ անհրաժեշտության՝ հայերենից անգլերեն կամ ռուսերեն թարգմանել այն թեմայի անունը, որը փնտրում եք։

  4. Եթե փնտրում եք ընդհանուր և բազմազան նյութեր թեմայի շուրջ, որոնման դաշտում գրեք թեմայի անվանումը և սեղմեք <<որոնել>>: Ուշադիր եղեք տառասխալների նկատմամբ, քանի որ դրանք կարող են ազդել որոնման արդյունքների վրա։

  5. Եթե փնտրում եք տեքստային ինֆորմացիա, ծանոթացեք այն հղումներին, որոնք Գուգլը առաջարկում է։ Եթե փնտրում եք միայն նկար, տեսահոլովակ, լուրեր կամ գրքեր, էջի վերևում կարող եք ընտրել համապատասխան բաժինը։

  6. Եթե սեղմեք նույն տողում գտնվող Գործիքներ (Tools) բառին, կկարողանաք առանձնացնել այն նյութերը, որոնք ստեղծվել են կոնկրետ ժամանակային ինտերվալում։ Եթե ցանկանում եք գտնել նյութեր, որոնք բառացիորեն կպարունակեն այն բառերը, որոնք դուք մուտքագրել եք որոնման դաշտում, կարող եք նույն գործիքներից(Tools) ընտրել Verbatim-ը։


Եթե փնտրում եք նյութ, որը կպարունակի կոնկրետ բառեր, բառերը կարող եք նաև չակերտներում գրել, օրինակ՝ "functionality"

7․ Եթե փնտրում եք կոնկրետ հարցի պատասխան, որոնման դաշտում կարող եք մուտագրել ամբողջական հարցը։

8․ Եթե փնտրում եք թեմայի մասին ավելի նեղ ինֆորմացիա, անվանման կողքին ավելացրեք բնութագրող բառեր, օրինակ՝ առաքելություն, նպատակ, ինչպես է աշխատում, բիզնես մոդել, հիմադրման վայր և այլն։

9․ Տեղեկություն որոնելիս հիմնականում կարևոր է փնտրել թարմացված կամ նոր հրապարակված վստահելի կայքեր:


Լրացուցիչ*

Եթե Գուգլում ցանկանաք փնտրել ակադեմիական նյութեր և հոդվածներ, օգտագործեք https://scholar.google.com/ կայքը:

Եթե ցանկանաք ծանոթանալ Գուգլի խորը որոնմանը, այցելեք https://www.google.com/advanced_search:

*Մարզիչը պատմում է Google Scholar-ի կամ Advance Search-ի միայն այն դեպքում, երբ երեխաները արդեն (քննարկումից առաջ) լավ տիրապետում են Google-ին։
Ինչպես հասկանալ կայքը կամ ինֆորմացիան վստահելի է, թե՝ ոչ



ա․ Ո՞վ/Ո՞ր կազմակերպությունը/կառույցն է նյութի հեղինակը:

-Ի՞նչ մասնագիտացում ունի:

-Ի՞նչպիսի աշխատանքներ է հրապարակում:

-Ի՞նչ սոցիալական/քաղաքական մարմինների է հարում/ անդամ է:

բ․ Ի՞նչ ինֆորմացիա է ներկայացվում և ինչպե՞ս է այն գրված:

գ․ Ե՞րբ է նյութը գրվել, թարմացվել, ո՞ր թվականների ինֆորմացիա է ներկայացնում:

դ․ Արդյո՞ք այլ աղբյուրներ ներկայացնում են նույն ինֆորմացիան:

ե․ Ո՞րն է տեղեկույթի նպատակը:

զ․ Տեղեկույթը ունի՞ թիրախային լսարան:


  • Հարց
    Կոմպոստացման եղանակի լավ կամ վատ լինելը որոշում է նաև այն, թե արդյոք այն ածխածին-նեգատիվ է, թե -պոզիտիվ (ածխածին-նեգատիվ-ը նշանակում է, որ այն ածխածին չի դուրս գցում մթնոլոտ, այլ հակառալը՝ այն քչացում է)։

    Լոմի կոմպոստերը ունի մի քանի չափորոշիչ, որոնք որոշում են թե այն ածխածին-նեգատիվ է, թե՝ ոչ։ Կա միայն մի դեպք երբ այն ածխածին-պոզիտիվ է՝ եթե այն աշխատում է էլեկտրաէներգիայով, որը գալիս է ոչ կայուն աղբյուրներին՝ գազ, ածուխ, և այլն, որը օգտագործելուց հետո, դուք պորդուկտիվ ձևով չեք օգտագործում ձեր կոմպոստը։

    Ինչպե՞ս պրոդուկտիվ կկիրառեք ձեր կոմոստը, եթե դու ապրում եք քաղաքում և չունք հողատարածք։


    02
  • Պատասխան
    Չկա ճիշտ պատասխան։
    02
Հարց-Ամփոփում
Եկեք պատասխանենք երկու կարճ հարցի՝
- Ի՞նչ սովորեցիք այս քննարկում-վարժությունից։
- Ինչպե՞ս կարող եք այն օգտագործել ձեր կյանքում։

Ուղղորդում՝ անել առցանց հետազոտություն՝ որոշումներ կայացնելու համար, տարբերակել վստահելի և ոչ վստահելի ռեսուրսները, համեմատել և հակադրել տարբերակներ՝ ընտրություն կատարելու համար, և այլն
2․ Վարժություն-նախագծում
Թիրախավորվող հմտություններ
Պլանավորում, Քարտեզագրում
  • Առաջադրանքի ներկայացում
    Այժմ եկեք մտածեք մեր քարտեզի վրա պատկերված տարածքի օրգանական թափոնների մշակում կազմակերպելու մասին։ Դպրոցը որոշել է, որ իր համար առավել հարմար է թափոնների բիոգազի վերածումը HomeBiogas համակարգով։

    Որտե՞ղ կտեղադրեք համակարգը։ Եկեք ավելացնենք թափոնների մշակման համակարգը քարտեզի վրա։
  • Ուղղորդումներ
    Քարտեզի օրինակը և աշխատանքային տետրը, որի վրա ուսանողները աշխատելու են, կցված են ներքևում։

    Քննարկումից հետո մարզիչը պատմում է ուսանողներին Ալլայի կոմպոստերի մասին, նշելով, որ ի տարբերություն դպրոցի, որի համար առավել հարմար է խոշոր համակարգը, բնակարանների համար Ալլայի տարբերակը առավել նախընտրելի է։
  • Առանցքային կետեր

    1. Ներառված բոլոր վիզուալ նյութերը մարզիչը ցույց է տալիս ուսանողներին:




Ցանցային խողովակ
Ցանցային խողովակ
Աշխատանքային տետր
Քարտեզ
Տանը ստեղծվող սննդի թափոնների հարցը գրավել է Climate Uturn-ի շրջանավարտներից Ալլայի ուշադրությունը։ Խնդիրը լուծելու համար նա ստեղծել է տնային կոմպոստերներ։ Կոմպոստերում կան կալիֆորնիական կարմիր որդեր, որոնք ամեն օր ուտում են իրենց զանգվածի կեսին հավասար օրգանական մնացորդներ։ Կոմպոստերի մեջ տեղադրվում են սննդի կամ ցանկացած այլ օրգանական մնացորդներ (գարդոն, տերև, թուղթ և այլն), իսկ որդերը դրանք քայքայում ու վերածում են վերմիկոմպոստի։ Ստացվող կենսահումուսը կարելի է օգտագործել հողը պարարտացնելու համար։
Վերմիֆերման անհոտ է և ունի տնային կահույքի տեսք։ Այն բաղկացած է 3 հարկից․ առաջին հարկում թափվում է կոմպոստից անջատված հեղուկը (որով կարելի է ջրել բույսերը), իսկ երկրորդ և երրորդ հարկերում գտնվում են սննդի մնացորդները, որդերն ու ստացվող կենսահումուսը։
Ալլայի կոմպոստերը
  • Հարց
    Ի՞նչ եք կարծում, Հայաստանում պլաստիկի թափոնը ինչպե՞ս է կառավարվում։
    03
  • Պատասխան
    Ցավոք, Հայաստանում տեսակավորման և պլաստիկի վերամշակման ամուր կառույց չկա։ Չնայած պլաստիկի վերամշակում Երևանում կազմակերպվում է՝ Հայաստանում պլաստիկի մեծ մասը կա՛մ հայտնվում է աղբանոցներում, կա՛մ այրվում է օդում։
    2017-ին Եվրամիության ֆինանսավորմամբ Կապանում սկսվել են փորձել պլաստիկից ստանալ սալիկներ և եզրաքարեր, որը բավականին հետաքրքիր նախագծի է վերածվել։
    03
3. Քննարկում-Վարժություն
Թիրախավորվող հմտություններ
Ստեղծարար մտածողություն, համագործակցություն, խնդիրների լուծում
  • Առաջադրանքի ներկայացում
    Վերմիկոմպոստը, ինչպիսին Ալլայի ստեղծած վերմիկոմպոստն է, հաճախորդների մոտ կարող է մտահոգություն առաջացնել՝ կապված վերմիկոմպոստից որդերի դուրս գալու կամ հոտի հետ։

    Արտադրող կազմակերպությունները նախօրոք այս խնդիրները լուծվում են, սակայն հաճախորդներին վստահեցնելը շարունակում է մնալ խնդիր։

    Հարց 1. Պատկերացրեք դուք վերմիկոմպոստերներ արտադրող ընկերության աշխատակիցների խումբ եք։ Ինչպե՞ս կապացուցեք հաճախորդներին, որ նման խնդիրներ վերմիկոպոստերները չունեն։

    Հարց 2. Պատկերացրեք, որ որդերը իսկապես դուրս են եկել ու զայրացած հաճախորդը ահնընդհատ զանգահարում է ձեզ ու պնդում, որ վատ կարծիքներ կթողնի ձեր մասին համացանցում։ Ինչպե՞ս կուղղեք իրավիճակը։



  • Ուղղորդումներ
    Հարց 1.

    1․ Օգտակար գործիք կարող է լինել սարքի դեմոնստրացիան հանրային վայրերում։

    2․ Գրավիչ գովազդային տեսահոլովակներ և փաթեթավորում։ Մարզիչը երեխաներին ոգեշնչելու համար պատմում և ցույց է տալիս ներառված երկու օրինակները։ Այդպիսի օրինակներ են essento սպիտակուցի բարերը և purple ներքնակները

    Հարց 2.

    Հարկավոր է զրուցել հաճախորդի հետ, գնալ ու ուսումնասիրել խնդիրը։ Եթե այն իսկապես ձեր թերացման պատճառով է, նրան հարցնել թե ինչ կոմպեսնսացում կցանկանա՝ նոր կոմպոստեր առանց խնդրի, կամ գումարի որոշակի չափ, կամ այլ բան։ Կարևոր է հիշել, որ հաճախորդներ ձեռք բերելը նույնքան կարևոր է, ինչքան նրանց պահպանելը, որը պայմանավորված կլինի ձեր ձևավորած կապից ու վերաբերմունքից։
  • Առանցքային կետեր

    1․ Ըստ անհրաժեշտության՝ մարզիչը առանձնացնում է խմբի թերացման ոլորտները, որոնք առավել բարելավման կարիք ունեն։
Հարց-Ամփոփում
Եկեք պատասխանենք երկու կարճ հարցի՝
- Ի՞նչ սովորեցիք այս քննարկում-վարժությունից։
- Ինչպե՞ս կարող եք այն օգտագործել ձեր կյանքում։

Ուղղորդում՝ ընդունել թերացումները և աշխատել դրանց վրա, աշխատել ճնշման տակ, կիրառել տարբեր մեթոդներ ձեր պրոդուկտի աշխատանքը ցուցադրելու համար, ընդունել հաճախորդի կարծիքը և բարելավեր ձեր հարաբերությունները, և այլն

Հետաքրքիր է Քրիստիան Բերչի՝ Essento-ի հիմնադրի մոտեցումը. նա ուզում է միջատներին նոր կարտոֆիլ դարձնել։ Էսսենտոն ունի գեղեցիկ ու ոճային փաթեթավորում. նրանք սպիտակուցային սալիկներ, միջուտեսներ ու անգամ բուռգերներ են պատրաստում։


Purple ներքնակներ
  • Հարց
    Հանդիպման սկզբում հասկացանք, թե ինչ նպատակներով կարելի է համայնքում թափոնները կառավարել։ Բայց մարդկանց մոտիվացնելը, որպեսզի հետևեն նոր թափոնների կառավարման ձևերին բարդ է։ Չէ՞ որ հեշտ չէ միանգամից նորություններին հարարվելը։

    Ինչպե՞ս կմոտիվացնեք, որ մարդիկ հետևեն կանոններին ու ինչպե՞ս կօգնեք, որ արագ հարմարվեն։
    04
  • Պատասխան
    Ճիշտ պատասխան չկա, սակայն ուսանողները պետք է հասկանան, որ ստիպելը տարբերակ չէ։ Այն պետք է բնականոն կյանքի մաս դառա, որի համար տարբեր տեխնիկաներ կարող են կիրառել։
    04
4. Քննարկում-Վարժություն
Թիրախավորվող հմտություններ
Պլանավորում
  • Առաջադրանքի ներկայացում
    Այժմ եկեք պատկերացնենք, որ դուք գործարարներ եք և ցանկանում եք ընթերցանյութում նկարագրվող Sharewaste ծրագիրը առանց հավելված ստեղծելու ներդնել ձեր քաղաքում կամ ողջ Հայաստանում։

    Որո՞նք են այն հիմնական մեծ քայլերը, որոնց դուք պետք է հետևեք նախագիծը իրականացնելու համար։
  • Ուղղորդումներ
    Նախ և առաջ պետք է հասկանալ թե արդյոք ֆինանսական և տնտեսական տեսանկյունից իմաստ ունի նման նախագիծ իրագործելը։ Պետք է հասկանալ ինչքան գումար անհրաժեշտ կլինի, և արդյոք այն համապատասխանում է այն օգուտին, որը ստանալու եք։

    Ապա պետք է կատարել՝

    • Շուկայի ուսումնասիրություն, կարիքի վերլուծություն
    • Մատակարարների վարձում
    • Կորդինացում և մարդկանց միմյանց կապելու միջոցներ։ Նախ կարելի է անձամբ կազմակերպել կողմերի միջև կապը և համագործակցությունը, հետո օգտագործել տոխնոլոգիաներ, Google maps-ի քարտեզը և այլն
    • Ռիսկերի գնահատում


  • Առանցքային կետեր

    1․ Մարզիչը հորդորում է ուսանողներին ինքնուրույն դուրս բերել հիմնական կետերը, որոնք ահրաժեշտ կլինեն իրականացնելԼ Ըստ անհրաժեշտության հարցերի միջոցով ուսանողներին օգնում է գալ ուղղորդման մեջ նշված կետերին։

    2․ Ըստ անհրաժեշտության՝ մարզիչը առանձնացնում է խմբի թերացման ոլորտները, որոնք առավել բարելավման կարիք ունեն։
Հարց-Ամփոփում
Եկեք պատասխանենք երկու կարճ հարցի՝
- Ի՞նչ սովորեցիք այս քննարկում-վարժությունից։
- Ինչպե՞ս կարող եք այն օգտագործել ձեր կյանքում։

Ուղղորդում՝ որոշումներից առաջ հաշվի առնել արտաքին գործոնները, հաշվի առնել ցանկացած ֆինանսական շահավետությունը, և այլն
Քննարկման Ավարտ
Մարզիչը բացատրում է, թե ինչու են կարևոր այն փոքրիկ հարցերը, որոնք ուսանողները տեսնում են ընթերցանյութերը կարդալու ընթացքում։
Մարզիչ:
Չենք մոռանում, որ յուրաքանյուր հանդիպմանը պետք է միանալ Աշխատանքային Տետրով, որի վրա ենք գրառումներ և նշումներ ենք անելու։ Յուրաքանչյուր հաջորդ հանդիպման ժամանակ պետք են գալու նախորդ հանդիպման գրառումները և քարտեզների վրայի աշխատանքները։

Կա՞ն հարցեր կամ անհասկանալի մասեր Աշխատանքային Տետրի հետ աշխատանքից կամ քննարկումից։
Ուսանողներ։
Հաստատում են, որ կատարել են անհրաժեշտ հավելումները Աշխատանքային Տետրի մեջ և կբերեն այն հաջորդ հանդիպման ժամանակ։
Աշխատանքային տետրի մասին հիշեցումները մարզիչը նաև անում է ուսանողների չատում շաբաթվա մեջ առնվազն երկու անգամ։