Նախագծի կառավարում
Նախագծի գաղափարի ներկայացում
Արշիլ Գորկի
Սա այս մոդուլի նախավերջին ընթերցանությունն է: Այստեղ դու պետք է կատարես 2 վարժություն՝ գրավոր և բանավոր ներկայացնես քո նախագծի գաղափարը:
Մինչ առաջին առաջադրանքը արի անցնենք մեր կողմից մի քանի խորհրդի վրայով հարցաշարը լավագույնս լրացնելու համար:
Մաս 1. Նախագծի գրավոր ներկայացում
Խնդիրը, որը ցանկանում ես լուծել
Այստեղ մենք իսկապես ցանկանում ենք, որ դու մեզ մանրամասն բացատրես այն խնդրի մասին, որը ցանկանում ես լուծել քո նախագծի միջոցով:

Դա անելու լավագույն միջոցն է.
  • պատկերացրու, որ դու դա ասում ես մի մարդու, ով երբեք չի եղել քո քաղաքում և չի լսել այդ խնդիրների մասին
  • եղիր հնարավորինս կոնկրետ
  • ընդգծիր, թե ինչու է դա համայնքի համար խնդիր, ինչպես է դա ազդում թիրախային խմբի վրա
  • ավելացրու թվեր/վիճակագրական մանրամասներ, եթե այդպիսիք կան
  • բեր օրինակներ, անձնական փորձ

Ո՞ւմ վրա է ազդում խնդիրը
Այս հարցին պատասխանելիս մտածիր կազմակերպությունների կամ մարդկանց մասին, ովքեր առօրյա կյանքում տուժում են այս խնդրից։ Եղի՛ր կոնկրետ՝ որտեղ են ապրում, ինչ բնավորություն ունեն, ինչու և ինչպես է նրան վրա ազդում այդ խնդիրը։ Այս հարցում քեզ կօգնի գնորդի անձնավորումը, որին կարող ես ծանոթանալ կոճակին սեղմելով՝
      Այս հարցը ունի նաև երկրորդ կոմպոնենտ՝ ո՞վ է պատրաստ վճարելու քո նախագծի համար։

      Եթե քո նախագիծը բիզնես է, ապա վճարելու է հաճախորդը և դու այստեղ բացատրելու ես թե ինչու է պատրաստ վճարել։ Եթե կամավորական կամ բարեգործական նախագիծ է՝ կարող ես նշել մոտավոր ինչ աղբյուրներից ես ակնկալում ստանալ ֆինանսավորում՝ անունները չմանրամասնելով (դրա համար ունես առանձին հատված)։ Այստեղ նույնպես պետք է հիմնավորես ինչու են նրանք պատրաստ լինելու վճարել քո նախագծի համար։
          Լուծումը
          Կարճ, մեկ նախադասությամբ պատասխանը չի նկարագրում քո նախագիծը:
          Հիշի՛ր՝ դու շատ լավ ես ճանաչում քո նախագիծը: Բայց այն մարդը, ում դու պատմում ես, դրա մասին գաղափար չունի:

          «Ես գյուղատնտեսությամբ կզբաղվեմ» կամ «բանջարեղեն կաճեցնեմ» ասելու փոխարեն փորձիր հնարավորինս կոնկրետ լինել և ասել, թե կոնկրետ ինչ ես նախատեսում անել: Օրինակ՝ «ես հետազոտություն եմ արել և սովորել պերմակուլտուրայի մասին: Ուզում եմ սկսել մրգեր և բանջարեղեն աճեցնել՝ օգտագործելով պերմակուլտուրայի մոտեցումը իմ տան մոտ գտնվող հողատարածքում: Ես կունենամ բանջարեղեն, պտղատու ծառեր, հատապտուղներ և հավեր։ Ամբողջ բերքը շուկայում կվաճառվի տեղացիներին...»:

          Դա անելու լավագույն միջոցն է.
          • ներառիր մանրամասներ այն մասին, թե կոնկրետ ինչ ես նախատեսում անել, որտեղ, երբ և ինչպես
          • գրիր այն հիմնական քայլերը, որոնք անելու ես
          Ինչու՞ ես դու լավագույնը
          Միշտ հիշիր. ինչ-որ փուլում պետք է լինելու համոզել մարդկանց օգնել քեզ, տալ քեզ գումար, կիսվել փորձով, իրենց ժամանակն ու ռեսուրսները նվիրել քո գաղափարին:

          Նրանք պետք է հավատան, որ հենց դու ես լավագույն մարդը, ով կարող է լուծել խնդիրը: Եվ դրա համար իսկապես պետք է բոլորին համոզել։

          Այդ իսկ պատճառով խորհուրդ ենք տալիս շեշտել քո բոլոր լավ կողմերը, հնարավորությունները, փորձն ու հմտությունները:

          Մի ասա, որ կարող ես լուծել հարցը, քանի որ միայն դու ես այդ խնդրով հետաքրքրված: Թեև մենք քո զգացմունքները հասկանում ենք, ավելի լավ է ներառել նաև ապացույցներ և համապատասխան փորձ:

          Դա անելու լավագույն միջոցն է.
          • ներառել այդ թեմայով քո կատարած բոլոր հետազոտություններն ու ընթերցումները (եթե այդպիսիք եղել են)
          • փորձել հիշել բոլոր այն իրադարձությունները/վեբինարները/սեմինարները, որոնց մասնակցել ես: Նույնիսկ եթե չկա, կարող ես ասել, որ ավարտել ես Climate Uturn ծրագիրը և ընդգծել այն, ինչ սովորել ես այդ ըթացքում:
          • հիշել այն ամենը, ինչ արել ես քո կյանքի ընթացքում (միջոցառումներ, դպրոցական նախագծեր, հոբբիներ և այլն): Գրիր ամբողջ համապատասխան փորձը, որը ունես ուղղակիորեն և անուղղակիորեն կապված քո նախագծի հետ: Օրինակ՝ դու միջոցառումներ ես կազմակերպել դպրոցում և ղեկավարել ես թիմ: Սրանք հիանալի որակներ են ապացուցելու, որ քո նախագծի համար դու արդեն ունես կազմակերպչական, առաջնորդական և թիմային աշխատանքի հմտություններ:
            Նպատակներ դնելիս հիանալի է ստացվում, երբ սահմանում ես որոշակի ժամկետներ և չափելի արդյունք այդ ժամանակահատվածի համար: Այդ կերպ քեզ համար շատ ավելի հեշտ կլինի տեսնել՝ նախագիծը հաջողվել է, թե ոչ:

            Օրինակ՝ «Ես կզգամ, որ դա ինձ հաջողվել է, երբ ամեն ամիս թարմ բանջարեղեն և միրգ (ընդհանուր 500 կգ) տրամադրեմ իմ տարածաշրջանի 10 մթերային խանութի»‎:
            Կատարյալ արդյունքները
            Քո թիմը կարող է բաղկացած լինել մարդկանցից, ովքեր կարող են օգնել քեզ կատարել որոշակի առաջադրանքներ:

            Դու կարող ես օգնություն խնդրել ընտանիքից, ընկերներից, դասընկերներից, դպրոցի ուսուցիչներից: Կարող ես գտնել փորձագետներ և աշխատողներ: Յուրաքանչյուր ոք, ով ներգրավված կլինի նախագծի մեջ, պետք է ներառվի այս ցանկում:

            Շատ հաճախ երեխաները գրում են իրենց ծնողներին և ընկերներին: Բայց նրանք չեն մտածում, թե կոնկրետ ինչպես կարող են օգնել իրենց այդ մարդիկ։
            Քո թիմը
            Դուրս գրիր բոլոր այդ մարդկանց և նրանցից յուրաքանչյուրի համար գրիր իրենց դերերը: Կոնկրետ ինչպե՞ս նրանք կօգնեն քեզ:
            Սա նույնպես շատ կարևոր մասն է։ Այստեղ դու պետ է մանրակրկիտ մտածես բոլոր գործողությունների մասին, որոնք պետք է իրագործվեն նախագիծը կյանքի կոչելու համար: Հենց ամենասկզբից։ Մտածեիր, թե որն է լինելու քո առաջին քայլը: Շատ դեպքերում երեխաները մոռանում են, որ պետք է ներառել նաև ֆինանսավորում գտնելու կետը: Ֆինանսավորումը սովորաբար առաջին քայլերից մեկն է:

            Փորձիր հակառակ պլանավորման մեթոդը, ինչպես մենք քննարկել ենք մեր նախորդ հանդիպումների ժամանակ: Այնուհետեւ գրիր բոլոր առաջադրանքները, որոնք պետք է կատարվեն: Դրանից հետո ավելացրու յուրաքանչյուր առաջադրանքի վերջնաժամկետները և պատասխանատու անձանց, եթե այդպիսիք կան:

            Օրինակ՝
            Առաջադրանք 1 - գտնել 500 հազար դրամ - 1 ամիս (իմ ընկեր Դավիթը)
            Եթե այս պահին չգիտես, թե որքան գումար է քեզ հարկավոր, նորմալ է: Կարող ես բաց թողնել այդ հատվածը:

            Օրինակ՝
            Առաջադրանք 1 - փող գտնել ծառերի համար - 1 ամիս
            Առաջադրանքներ և ժամկետներ
            Այստեղ մենք խնդրում ենք քեզ գրել այն ամենը, ինչի վրա գումար ես ծախսելու: Մտածեիր ԲՈԼՈՐ ծախսերի մասին՝ ներառյալ աշխատավարձերը, տրանսպորտը և այլն։
            Բյուջե - ծախսերի ցուցակ
            Եթե արդեն ուսումնասիրել ես և գիտես բոլոր գները, հոյակապ է, կարող ես դրանք էլ գրել և հաշվարկել գումարը։

            Եթե ոչ, նորմալ է: Վերցրու ծախսերի միայն մի մասը, օրինակ՝ արտադրանք, հավելվածի ձևավորման ծախսեր, թեստավորման ծախսեր, կոնտենտի մշակման ծախսեր, ենթակառուցվածքի տեղադրման ծախսեր, և կազմիր բյուջե՝ ինչպես 9-րդ ընթերցանյութում։ Հարցի պատասխանը կարող ես գրել այսպես՝

            Արկղի գին - 10,000 ՀՀ դրամ/հատը -10 հատ - Ընդհանուր՝ 100,000 ՀՀ դրամ - Խանութի անուն - Կապ՝ 094949494
            Արկղի տեղադրում - 5,000 ՀՀ դրամ/անձը - 2 անձ - Ընդհանուր՝ 10,000 ՀՀ դրամ - Աշխատողների անուններ - mail@mail.com

            և այսպես բոլոր ենթակառուցվածքի տեղադրաման հետ կապված ծախսերը

            ԸՆԴՀԱՆՈՒՐ՝ X ՀՀ դրամ
            Բյուջե - գներ
            Եվ վերջապես, արի տեսնենք, թե ինչպես ես նախատեսում գտնել քո նախագծի համար անհրաժեշտ գումարը:

            Մենք արդեն ասել ենք. մինչև կայուն, կանոնավոր եկամուտ չունենաս, բանկից վարկ մի վերցրու։

            Փոխարենը, կան շատ այլ, ավելի հարմար այլընտրանքներ, ինչպիսիք են դրամահավաքը, դրամաշնորհները, մասնավոր դոնորները և այլն: Փորիր ավելի կրեատիվ մտածել:

            Քո նախագծի ոլորտին մոտ հիմնադրամներ փնտրելը լավ է: Բայց դու կարող ես նաև փորձել փնտրել նրանց, ովքեր կապված չեն թեմայի հետ, բայց աջակցում են քո նման մարդկանց:

            Օրինակ՝ հիմնադրամներ, որոնք աջակցում են որոշակի տարածաշրջանի աղջիկներին/մարդկանց/ որոշակի տարածաշրջանի երիտասարդներին և այլն:
            Ֆինանսավորում
            Այժմ քո հերթն է հաշվի առնել այդ բոլոր խորհուրդները և ներկայացնել քո գաղափարը լավագույն ձևով:
            Խնդրում ենք ներկայացնել ձեր վերջնական նախագծի նկարագրությունները: Այն պետք է ուղարկվի հանդիպումից ոչ ուշ, քան 48 ժամ առաջ։
            Մեր թիմը կուսումնասիրի այն, և դուք մեզանից առաջարկներ կստանաք հաջորդ հանդիպման ժամանակ, որը կլինի վերջինը այս մոդուլում:
            Խնդրում ենք լրացնել նկարագրությունը այստեղ։
            * 13․ Խնդրում ենք գնահատեք Climate Uturn-ի ծրագիրը։
            *15. Կարո՞ղ ենք օգտագործել ձեր կարծիքը մեր կայքում ձեր անունով, թե՞ ցանկանում եք, որ այն անանուն լինի:
            Մաս 2. Նախագծի բանավոր ներկայացում
            Խոսքի բաղադրիչներ
            Նախագիծը բանավոր ներկայացնելու համար դուք սովորաբար ունենալու եք սահմանափակ ժամանակ։ Եկեք պատկերացնենք, որ դուք ունեք ընդհամենը 1 րոպե։ Ի՞նչը պետք է ասել, ի՞նչն է առաջնային, իսկ ի՞նչը կարելի է բաց թողնել և բացատրել հետո՝ արդեն հետաքրքրված կողմերին։

            Անպայման պետք է նշել՝
            1. Խնդիրը՝ հստակ նշելով ինչ խնդիր եք լուծում և ում համար եք այն լուծում (խնդրից տուժող կողմերը)
            2. Լուծում՝ ինչպես եք լուծելու այդ խնդիրը, ինչ տեխնոլոգիա եք կիրառելու, ինչ արտադրանք եք ստանալու, ինչպես է այն լուծելու խնդիրը
            3. Յուրահատուկ արժեքի առաջարկ (UVP) ՝ ինչով է առանձնանում ձեր ապրանքը կամ ծառայությունը, ինչով է յուրահատուկ և տարբերվող

            Եթե ունեք ժամանակ և ձերը բիզնես գաղափարը, կարող եք անդրադառնալ այս կետին՝
            Շուկայական հնարավորություն` արդյոք սա աճող շուկա է։ Հնարավոր է՝ դուք ճիշտ ժամանակին լուծում եք տալիս ճիշտ խնդրի։ Արժե նշել սրա մասին։

            Այլ կետեր, որ կարող եք ներառել արդեն երկար ներկայացումների ժամանակ՝
            Ձեռքբերումներ՝ արդեն արել եք փորձարկումներ, համագործակցում եք որոշ կազմակերպությունների հետ, արել եք ծառայութան/ապրանքի շուկայական փորձարկում, ունեք հաճախորդներ, կամ որոշակի աճ։ Սրանց մասին արժե նշել։
            Երկարաժամկետ բիզնես մոդել՝ ինչպես է ձեր բիզնեսը եկամուտ ունենալու, ինչ հետագա աճի ու ճկունանալու հնարավորություններ կան։
            8-րդ հանդիպման ժամանակ ձեզնից յուրաքանչյուրը կունենա 1 րոպե րոպե իր նախագիծը ներկայացնելու համար։ Վերևում նշված 3 հիմնական կետը պետք է նշվեն ձեր խոսքի մեջ։

            Խորհուրդ է տրվում յուրքանչյուր կետի համար դուրս գրել հիմնական մտքերը և փորձել ամփոփել։
            Որքան էլ տարօրինակ է հնչում, բայց քո առաջին ներկայացման հիմնական նպատակը ֆինանսավորում ապահովելը չէ, այլ հաջորդ հանդիպմանը հասնելն է: Ֆինանսավորման ապահովումը բազմաքայլ գործընթաց է: Այնպես որ փորձիր հետաքրքրություն առաջացնել, որպեսզի հետագա հանդիպումները հետաքրքրեն ներդրողներին։
            Պահեք 1 րոպե ժամանակ և փորձեք ասել հիմնական մտքերը։ Եթե զգում եք, որ երկար է, մտածեք ինչը կարող եք ավելի կարճ ասել։

            1 րոպեն կարող է կարճ թվալ, բայց այն կատարյալ ժամանակ է գաղափար ներկայացնելու համար։
            Pitch deck-ը ներկայացում է, որն օգնում է պոտենցիալ ներդրողներին ավելին իմանալ ձեր նախագծի/բիզնեսի մասին: Կարճ ասած, այն սահիկաշար է, որը ուղղորդում է ձեր բանավոր խոսքին։
            Այստեղ նույնպես հիմնական նպատակը ֆինանսավորում ապահովելը չէ, այլ հաջորդ հանդիպմանը հասնելն է: Այսինքն ձեր ներկայացման մեջ դրված ինֆորմացիան պետք է լինի թիրախավորված։
            • 1
              Սովորական pitch deck սահիկները
              Կատարյալ pitch deck սահիկները չի պատմի ձեր նախագծի ողջ կյանքի պատմությունը: Դուք պետք է այն պահեք 10-ից 15 էջերի սահմանում, մոտավորապես 5 րոպեանոց ներկայացման երկարությամբ:
              Յուրաքանչյուր հարցի պատասխանը պետք է լինի մեկ սահիկի վրա՝ խնդիրը բացատրվի խնդրի սահիկում, լուծումը՝ լուծման։

              Քանի որ ձեր ներկայացումը ընդամենը 1 րոպե է՝ ձեր երեք կետերը կլինեն մեկ սահիկի վրա։
            • 2
              Ի՞նչ պետք է լինի սահիկի վրա
              Եկեք հասկանանք սահիկի նպատակը։ Այնտեղ չի կարելի դնել երկար տեքստեր կամ այն ինչ դուք ասելու եք բանավոր։ Ինչո՞ւ։ Քանի որ լսողները արդեն իսկ ձեր ասածը կիմանան։ Եթե ամեն ինչ կարողանային ստանալ սահիկից, ձեր կարիքը չէր լինի։ Սահիկի նպատակը ուշադրություն գրավելն է։

              Եթե ունեք մեկ սահիկ, այն պետք է ունենա՝ ձեր անունը, նախագծի անունը, շատ կարճ, եկերով գրված խնդիրը, լուծումը, UVP-ն և վիզուալներ։

            • 3
              Վիզուալներ
              Երբ խոսքը վերաբերում է վիզուալներ օգտագործելուն, պետք է հիշել մի քանի ընդհանուր կանոններ: Նախ, ավելորդություններ դնել պետք չէ: Պետք չէ ծանրաբեռնել սահիկները չափազանց շատ տեղեկություններով կամ չափազանց շատ գրաֆիկայով: Երկրորդ, համոզվեք, որ ձեր վիզուալները բարձրորակ և պրոֆեսիոնալ տեսք ունեն։

              Ձեր դեպքում, քանի որ մեկ սահիկ է՝ վիզուալը կարող է լինել պրոդուկտի նկար, թեստավորման նկար, լուծված խնդրի պատկերումը, մինիմալիստական գրաֆիկա։ Կարող եք այստեղ լինել կրեատիվ, բայց հաշվի առեք, որ մինիմալ գույների կիրառումը օգնում է լսողին կոնտրոնանալ։ Մի օգատգործեք շատ գույներ։ 1-3 նույն տոնայնության գույնը օպտիմալ է։ Եթե պատկերը տգեղ է ստացվում, ավելի լավ է նկարներ չդնել։
            7-րդ ընթերցանյութից գիտեք, որ ձեր վիզուալ ներակայացումը կարող եք պատրաստել սովորական PowerPoint-ով կամ Google Slides-ով, որոնց համար հետաքրքիր բիզնես կազապարներ և դիզայններ կարող եք ներբեռնել Slidesgo կայքից։

            Այս կայքեր, որոնք ունեն հետաքրքիր դիզայններ՝ Canva, Pitch, Visme։ Վերջինից հետաքրքիր օրինակներ կարող եք գտնել ներքևում։
            Հանդիպման ներկայացման համար սահիկը կպատրաստի մեր թիմը՝ բոլորի համար նույն ֆորմատով։ Այդ իսկ պատճառով հանդիպումից ամենուշը 48 ժամ առաջ պետք է լրացնել այս հարցումը՝
            ՇՆՈՐՀԱՎՈ՜Ր
            Դու ավարտեցիր Climate Uturn-ի Better Cities մեդուլը։ Վերջին հանդիպումը հաջողությամբ անցնելուց հետո դու կստանաս քո սերտիֆիկատը և պաշտոնապես կհամարվեց Climate Uturn-ի շրջանավարտ։ Բայց քանի որ մենք ունենք նաև այլ մոդուլներ, իրար ցտեսություն չենք ասում )))