Լուծում 1 - Ստեղծել մեքենա, որը Անովա կարդյունահանի երկու անգամ ավելի արագ։
Արդյունահանումը արագացնելը կարող է գրավիչ թվալ կարճաժամկետ եկամուտի ավելացման տեսանկյունից։ Այնուամենայնիվ, այս որոշումը խնդրահարույց է էկոկայունության և Անովայի ռեսուրսների երկարաժամկետ կառավարման տեսանկյունից։ Արագացված արդյունահանումը հավանաբար կսպառի Անովայի հանքերը շատ ավելի շուտ, քան 100 տարին և դրանից հետո այս քարը այլևս երբեք հասանելի չի լինի ոչ մեկի։ Այս որոշումը ոչ միայն անտեսում է ռեսուրսների խելամիտ կառավարումը և բնության պաշտպանությունը, այլև անմիտ է նաև երկարաժամկետ շահույթի ստացման տեսանկյունից։
Արագացված արդյունահանումը կխախտի տեղի էկոհամակարգը և կվնասի կենսաբազմազանությանը։ Արկտիկայում ապրող կենդանի օրգանիզմների կյանքը կախված է Արտիկային բնորոշ պայմանների պահպանումից։ Այսպիսի արդյունահանումը էապես կազդի բոլոր օրգանիզմների վրա։
Արագացված արդյունահանումը կստեղծի նաև անկառավարելի ծավալների թափոն, ինչը կաղտոտի մոտակա ջրային ավազանները և օդը:
Նման գործունեությունը կխախտի նաև տեղի բնակիչների կյանքը։
Խումբը պետք է կարճաժամկետ եկամուտից բացի քննի իրենց բիզնեսի, բնության և տեղի համայնքի վրա երկարաժամկետ ազդեցությունը։
Լուծում 2 - Ստեղծել մեքենա, որը այնպես կարդյունահանի քարը, որպեսզի մեկ այլ Անովա չոչնչանա։
Այս լուծումը ավելի մոտ է կայուն զարգացման և էթիկական ռեսուրսների կառավարման սկզբունքներին։ Ներդրում կատարելով նման սարքի հետազոտության և հայտնագործման մեջ՝ խումբը մեծ ներդրում է անում հանքերի արդյունահանման ոլորտի կայուն զարգացման ուղղության մեջ և բարձրացնում է սեփական համբավը՝ իբրև պատասխանատու բիզնես։ Շահույթի տեսանկյունից այս որոշումը խմբին կապահովի կայուն Անովայի հումքով և հետևաբար կայուն երկարաժամկետ եկամուտով։
Այնուամենայնիվ, նման սարքի ստեղծումy նաև կպահանջի նախնական խոշոր ֆինանսական ներդրումներ և կարող է ունենալ քիչ ժամանակում շատ քար արդյունահանելու տեսանկյունից ավելի ցածր արդյունավետություն բիզնեսի համար։ Սարքը կարող է ունենալ նաև սեփական էկոլոգիական ոտնահետքը, որը նախատեսված չէր։ Խումբը պետք է հաշվի առնի և հավասարակշռի եկամտի, բնության պահպանության, ռեսուրսների կառավարման և ոլորտում իր դիրքի մասին երկարաժամկետ և կարճաժամկետ նպատակները և որոշման հետևանքները։
Լուծում 3 - Մեկնել հարավային բևեռ և փնտրել Անովա քարի հանքեր այնտեղ։
Այս որոշումը ենթադրում է ռիսկերի ստրատեգիական ընտրություն։ Այս որոշումը մոտ է ռիսկերի կառավարման և բիզնեսի ապագայի մասին մտածելու ռազմավարությանը։ Մեկնելով հարավային բևեռ՝ խումբը կարող է դառնալ առաջատար ոլորտում, ստանալ մրցակցային առավելություն և ունենալ Անովա քարի նոր աղբյուր։ Եթե անհրաժեշտ հանքաքարը գտնվի, սա կպակասեցնի խումբի կախվածությունը Արկտիկայից՝ իբրև հումքի միակ աղբյուր և կապահովի բիզնեսի կայունությունը։ Նոր տարածքի հետազոտումը նոր գիտելիք կստեղծի նաև բուն տարածքի աշխարհագրական և բնության առանձնահատկությունների, կլիմայի մասին։
Այնուամենայնիվ, այս որոշումը կարող է անհաջողության վերածվել, եթե հանքաքարեր չհանտյաբերվեն։ Բիզնեսը կկորցնի նաև հսկայական ֆինանսական ռեսուրսներ, քանի որ նման ճանապարհորդությունը և հետազոտությունը հսկայական ֆինանսական ռեսուրսներ է պահանջում։ Նման միջատությունը չուսումնասիրված տարածքում կարող է նաև բերել անկանխատեսելի բացասական հետևանքների տարածքի էկոհամակարգի համար: Խումբը պետք է քննի սեփական ռեսուրսների ծավալը, բիզնես նպատակները, բնության վրա ազդեցությունը, որպեսզի հասկանա արդյոք նման ռիսկը արդարացված է, թե՝ ոչ։